سركار چہ تُركى ءَ پھلی بہ لوٹ اِیت ،ازرائيلى فوج

یروشلم (هال)ازرائیلی فوج ءَ چہ سركار ءَ دزبندى كُرتگ كہ ازرائیلی سركار "فريڈم فلوٹيلا" ءِ زِر ءَ كمکى گلانى سرءَ اُرش ءِ درگت ءَ چہ تُركى ءَ پھلی بہ لوٹ اِیت،ازرائیلی چیف آف سٹاف ءَ رسانكدر ءَ هال ديانءَ  مزن وزیر بنجمن نیتن یاھوءِ نيمگءَ وزیر خارجہ اویگڈور لیبر مان ءِ زهر شانیں بيان ءِ پلہ مرزى ءِ سرءَ باز ايراد گیپتگ.سركارى باسكانى رد ءَ چَراے  بيان ءَ ازرائیل ءِ نپاں باز تاوان رَستگءُ مُلکءَ نوكيں گپچلے هم رُدُوم زُرت كنت، چیف آف سٹاف ڈان حالوٹز ءِ گوشگ اِنت ازرائیل ءِ گوں ترکیءَ تعلق ايران ءِ درگت ءَ غیر عرب قوتانى ٹرائینگل ءِ دومى درچ اِنت، چَہ اے بيان ءَ همے پدر بيت كہ ازرائیل "فريڈم فلوٹيلا" ءِ زِر ءَ كمکى گلانى سرءَ اُرشءَ پد گوں تُركى ءَ  پيدا بيتگ جيڑه ءِ گيش ءُ گيوار كنگءَ دِلمانگ اِنت،ترکی ءُ ازرائیل ءِسيادى ازرائیل ءِ ایران ءِ  هلاپ ءَهم اسٹریٹجی یے بهرے.