چَہ بی این پی ءِ نیمگ ءَ بلوچستان ءِ بازیں دمگاں دربندی

شال : بلوچستان نیشنل پارٹی ءِ باسک شھید عبدالغفور رودینی  ءِ پجیگ ءَ دگہ بلوچانی دیم شرینتگیں میتانی دز کپگ ، پارٹی راھشون امان اللہ زھری ءِ بچ ءِ آوار جنگ ، صاحب جان رند ءِ بے میاریں دزگیری ءُ بلوچستان ءَ برجاھیں جبر ءِ ایرجنگ ءَ خضدار ، مستونگ ، کلات ، سوراب ءَ  بی این پی ءِ جار ءِ سر ءَ دربندی بوتگ ۔ بلوچستان نیشنل پارٹی ءِ بنجاھی جارکش ءَ گوشتگ کہ شھید عبد الغفور رودینی گوں  پارٹی راھشون نبی بخش مینگل ءَ آوار جنگ بوتگ دنیگت پارٹی ءِ دین محمد ، منیر احمد ایڈوکیٹ ، عطاءاللہ ، سعداللہ مینگل ءُ غفار بلوچ ءِ پجیگ ءَ ھزارھاں بلوچ بیگواہ اِنت ءُ ترس اِنت کہ کشگ بنت ۔آئی ءَ گوشتگ کہ بی این پی ءِ جھد ءِ دارگ ءَ پاکستانی ریاست گوں جبر ءَ کار گرگ ءَ اِنت ۔