اوگانستان ءَ جنگ ءُ چوپاں گیشی آیگ ءَ اِنت ' بان کے مون

میان استمانی گل یو۔ این۔ او ءِ سروک بان کے مون ءَ گوشتگ  اوغانستان ءَ  جنگ  ءُ  چوپاں  گیشی آیگ ایں۔ آئی ءَ  گوشتگ اوغانستان ءَ عام مردمانی بیرانی ءِ  وئیلاں  ھم  گیشی  اَتکگ۔ ھساب ءُ  داد  ءِ ردا اوغانستان ءَ تشدد ءِ وئیلاں  گوستگیں سال ءِ کساس ءَ  چِل  در سد  گیشی  اَتکگ۔ گوستگیں  ھشت  ماھاں  دو ھزار ءُ یک سد ءُ ھشت مردم  مُرتگاں۔ گیشتریں  وئیل   جنوب روکپتی دمگاں بیتگاں۔ آئی ءَ گوشتگ  ھنوگیں لھتے  وئیلاں ءُ اھمیں  مردمانی مِرگ ءَ  چہ ھمے گپ  پدریں  کہ اوغانستان ءِ جاورھالانی جوان کنگ  چہ امریکا ءُ اتحادی  فوج  ءِ  وس ءُ واک ءَ  ڈنيں۔ آئی  ءَ گوشتگ  وئیلانی گیشی ءِ مستریں  سوب  طالبانانی نیمگ ءَ وڑ وڑیں بمب ءُ  وت کُشیں تراکانی  کارمرزگ  اِنت۔ او  اتحادی  فوج  ءِ بالی  اُرشاں  ھم  باز  مردم  بیران  بئیگیں،  او  زمینی  اُرشاں ھم  مروکیں  مردمانی  کچ ءَ  ھشتاد ءُ  چار  در سد  گیشی  اَتکگ۔