کراچی : بلوچ نودربر چَہ سویڈن ءَ دزگیر گمان اِنت پاکستان ءِ دست ءَ دیگ بیت

کراچی : بلوچ نودربر سلال ماں سویڈن ءَ پولیس ءَ دزگیر کرتگ ، ۔ سلال بی ایس او ءِ یک سرگرمیں باسکے ءُ کراچی ءَ وتی سرگرمیانی سبب ءَ بازیں رند ءَ دزگیر ھم کنگ بوتگ  ۔ چَہ پاکستانی زور سرکار ءِ نیمگ ءَ بازیں تنگ کنگ آ چَہ ادء درکپگ ءَ لاچار بوتگ ءُ پہ سیاسی باھوٹ ءَ سویڈن ءَ سر بوگ ءَ سوبمند بوتگ  ۔ آئی ءَ پہ سیاسی باھوٹی سویڈن سرکار دزبندی تاک ھم تاک ھم داتگ بلے اے منگ نہ بوتگ  ءُ سلال دزگیر کنگ بوتگ ءُ گمان ھمیش اِنت کہ پاکستانی سرکار ءِ دست ءَ دیگ بیت ۔ پمیشکا آئی ءِ کھول ءِ مردماں اے درگت ءَ پگرمندی درشانتگ ءُ گوشتگ کہ اگاں سلال پاکستانی فورسزانی دست ءَ دیگ بہ بیت گڑا اے ھبر راست اِنت کہ آ جنگ ءُ جوپگ بیت ءُ اے ھبر ءِ ھم گمان ھست کہ آ اد ءَ سر بوگ ءَ پد آوار جنگ ءُ پد ءَ آ دگہ بلوچ سیاسی جھدکارانی پیم ءَ کشگ بہ بیت یا بیت کنت سرکار آئی ءَ دروگیں بھتامانی سر ءَ پھانسی بہ دنت ۔ آھاں چَہ سویڈن سرکار ءَ لوٹ کرتگ کہ سلال ءِ دزبندی ءِ سر ءَ چار ءُ بہ چار بہ کنت ءُ آئی ءَ پاکستانی سرکار ءِ دست ءَ مہ دنت ۔ اے درگت ءَ فیس بک  ءَ سلال ءِ زند ءِ پھریزگ ءَ یک تاکے ھم جوڑ کنگ بوتگ آئی ءِ تہ ءَ گوں بلوچ مھلوک ءَ دزبندی کنگ بوتگ کہ پہ سلال ءِ زندءِ پھریزگ ءَ سویڈن سرکار ءَ نوشتہ بہ کن اَنت ۔