انقرہ: امریکی ”فارلولہ” رد، تُرکی وتی گپانی سرا اوشتاتگ۔

انقرہ: تُرکی ءِ او ازرائیل ءِ میان  ءَ  مان گیش اِتگیں  جیڑھانی  گیش  ءُ  گیوار  ءِ  ھاترا  امریکا  ءِ  سلاھے ”فارمولہ”  تُرکی  ءَ  رد  کُتگ۔ تُرکی سرکار  گوشیت  کہ  آ  وتی  گوشتگیں  گپانی  سرا  اوشتاتگ۔  دزکش  نہ نبے۔  امریکا  ءَ  تُرکی  سرا  زور  داتگ  کہ  آ ازرائیل ءِ  گُما  مان گیش اتگیں جیڑھانی  گیش ءُ  گیوار ءِ ھاترا   وتی  لوٹاں کمی  بیاریت۔  آئی ءَ  گوشتگ  کہ  تُرکی  ماں فریڈم فلوٹیلا  ءِ زرا کمکی گلانی  سرا ازرائیلی  اُرشانی  جیڑھ ءِ درگت  ءَ چہ  ازرائیل  ءَ  معافی  لوٹ  کنگ  ءَ سر  گوز  بہ بیت۔  تُرک  سفارت  ءِ  ردا  امریکی   سفیر  ڈان  چاھیرہ  ءَ یک  سلاگی  فارمولہ  یے  تُرکی  ءِ  سرکار  ءَ  داتگ  کہ  تُرک  مزن  وزیر  پہ  جیڑہ ءِ  گیش  ئُ  گیوار  ءَ ازرائیل  ءِ  مزن  وزیر  ءَ  فون  بہ  جنت  ءُ  یکے  چہ  دومی  ءَ  مافی   بہ  لوٹاں۔ تُرکی  ءَ  اے  فارمولہ  رد  کُتگ۔  تُرکی  ءَ  سئے  لڑی  دزبندی  ءِ  ایر  کُتگ  یکے  ازرائیل  غزہ  ءِ  قبضہ  ءَ ھتم  بہ  کنت ۔  دومی  فریڑم  فلوٹیلا  ءِ  اُرشاں  چہ  مافی  بلوٹیت۔  سیمی  مُرتگیں  مردمانی  ھون  ء،  بدل  ءَ  بہ  دنت۔