پاکی ایجنسی سر گنوکی ءَ گیپتگ اَنت پمیشکا کسان سالیں چکاں آوار جنگ ءَ اَنت ' بی ایس او آزاد تمپ

شال : پاکی سر کار آوار جتگیں زندانی میر ودود رئیسانی، جلیل ریکی ، سنگت ثناء ، ڈاکٹر دین محمد ، ذاکر مجید ، علی اصغر بنگلزئی ، غفور، مشتاق رودینی ، سمیع مینگل ، حافظ سعید الرحمن ءِ شد ھرجاپی گدان ءَ 443 روچ ، وھدے کہ گھرام ، اقبال ، کریم جان ،غلام اللہ ءِ کھول ءَ 41 روچ سرجم بوتگ ۔ بی ایس اوآزاد تمپ ھنکین ءِ لھتیں باسکاں گوں پاکی سرکار آوار جتگیں مردمانی کھول ءَگوں ماں شال ءَ گند ک کرتگ ءُ ھمدردی درشانتگ ۔ آھاں گوشتگ کہ بلوچستان ءَ بلوچانی سر ءَ ریاستی جبر ءُ دھشت گردی برجاہ اِنت ۔ نوں دژمن سر گنوکی ءَ گیپتگ پمیشکا کسان سالیں چکاں چست کنگ ءُ بیگواہ کنگ ءَ اِنت ۔گوستگیں روچاں بی آر سی تربت ءِ نودربر ظھور ءُ آئی ءِ پجیگ ءَ دو دگہ گونڈل آوار جنگ بوتگ کہ آھاںی سند چاردہ سال اِنت ءُ اے اداراھانی پروش اِنت کہ کسانیں چکانی آوار جنگ ءَ ھم چک ءُ پد نہ بیت ۔