لندن: ایرانی صدر اے گپ ءَ بیھال مہ کنت کہ آ ھنچیں مُلکی رھشون ایں کہ اودا وتگڑیں گچین کاریانی بُنیاد ءَ صدر ءُ دگہ باسک گچین بنت۔ ڈیوڈ کیمرون

لندن: برطانیا ءِ  مزن  وزیر  ڈیوڈ  کیمرون  ءَ جنرل  اسمبلی ءَ   احمدی نژاد  ءِ   روکپتی   مُلکانی   ھلاپ ءَ   گُشتانک   ءِ پژگرد ءَ ایراد  گِران  ءَ گُشتگ  کہ  ایران ءِ بزگیں  صدر اے  گپ ءَ بیھال  اِنت  کہ  آئی  ءَ وتی   جند ءِ  مھلوک   ھم  غلام کُتگ۔  ایرانی  اُلس چہ  ”آجو سسا درنگازی” ءِ  حق ءَ  زبھر کُتگ۔   درملکی  رسانکدر ءِ   ردا   ڈیوڈ کیمرون   ءَ   جنرل اسمبلی ءِ  مراگش  ءَ تران  کنان ءَ  گُشتگ   کہ  ایرانی صدر  چو مُلایانی  وڑا مارا  سبق دیگ  ءَ  پیسر  اے گپ  ءَ بیھال مہ کنت   کہ  آ  ھنچیں  مُلکی رھشون ایں  کہ اودا     وتگڑیں  گچین   کاریانی    بُنیاد ءَ   صدر   ءُ  دگہ     باسک     گچین بنت۔   وتگڑیں گچین کاری بس علامتی شکل ءَ بنت۔ اودا اُلس چہ   ”سسا   درنگازی”یے حق ءَ زبھر کنگ بیتگ۔ پُر امنیں  زھرشانی  لَٹ ءُ کُٹ ءِ  زورا دارگ بنت۔  مھلوک ءِ  توار ایرجيگ کنگ بیتگ۔ آئی ءَ گُشتگ بس  وتگڑیں گچین کاری ءِ برجم دارگ ءَ  ڈیموکریسی نئیت۔ ایران ءَ وتگڑیں گچین کاریانی نام ءِ سرا مھلوک غلام داشتگ۔  آئی ءَ گُشتگ ایران ءُ شام  چہ  مصر، تیونس ءُ لیبیا ءِ اُلسی زھر شانی آں  سبق بہ زیر اَنت ءُ  اُلس ءَ آزاد سسا درنگازی ءِ حق ءَ بِدینت۔