میان رودرتک: فلسطینی اتھارٹی ءِ رھشون واجہ محمود عباس ءَ مرچی ماں یو۔ این۔ او ءَ دزبندی دیم داتگ۔

میان رودرتک: فلسطینی اتھارٹی ءِ رھشون واجہ محمود عباس ءَ  فلسطین ءَ کاملیں استانی یے  منگ ءِ ھاترا مرچی  ماں   یو۔ این۔ او ءَ دزبندی دیم  داتگ۔ صدر عبس ءَ دزبندی ءِ دیم دیگ ءَ پد جنرل اسمبلی ءَ گُشتانک دیان ءَ گُشتگ کہ ما جُھدائیں کہ دُنیا فلسطین ءَ آجوئیں استانی یے  بِستار ءَ بِہ منیت۔  آئی ءَ گُشتگ  فلسطینی اتھارٹی  ماں یو۔ این۔ او ءَ جوانیں بِستارے ءِ  واھُندیں، ءُ پی۔ ایل۔ او  فلسطینیانی  رھشونیں گلے ءِ درچ ءَ زانگ بیت۔  اگاں محمود عباس ءِ  دزبندی ءَ سیکرٹری جنرل بان کی مون   بِہ منیت تا گُڑا رندا  یو۔ این۔ او ءِ پانزدہ باسکی سیکیورٹی کونسل دزبندی ءِ سرا چار ءُ بِچار کنت۔  اگاں یو۔ این۔ او ءِ  جوانتریں باسکانی  تھا  یکے ءَ ”ویٹو”  مہ کُتیں تا گُڑا فلسطینی دزبندی ءِ منوگری ءِ ھاترا سیکیورٹی کونسل ءِ نوہ باسکانی پلہ مرزی پکار اَت۔ امریکا ءُ ازرائیل سیکیورٹی کونسل ءِ ھواریں باسکانی تھا لابنگ کنگ ءَ اَنت کہ آ دزبندی یے ھلاپ ءَ ووٹ بِدینت یا غیر حاضر بہ بنت۔