راجی آجوئی ءَ ابئید دگہ ھچ رھبند ءِ سرا تپاکی بیت نہ کنت۔ بشیر عظیم

بی آر پی رھشون بشیر عظیم ءَ گوشتگ راجی آجوئی ءَ ابئید دگہ ھچ رھبند ءِ سرا تپاکی بیت نہ کنت۔ ھندی بلوچی چینل ءَ آئی ءَ تران کنان ءَ گوشتگ کہ مئے لوٹ بس راجی آجوئی اِنت۔ما بلوچ سرمچارانی اخلاقی ءُ سیاسی کمک ءَ کنیں۔ یک جُستی پسہ ءَ آئی ءَ گوشتگ کہ بی۔ این۔ ایف ءَ چہ مئے دزکشی لیکہ ءِ بُنیاد ءَ نہ بیتگ۔ بلکیں رھبندانی بُنیادءَ بیتگ۔ مئے لوٹ انت کہ ما راج ءَ یک رھبندی سرا تپاک ءُ یکجاہ بہ کنیں۔ ”بلوچ مسنگ پرسنزانی ھاترا سیاسی پارٹیانی ھاسیں کرد گندگ ءَ نئیت”؟ اے جُست ءِ پسہ ءَ آئی ءَ گوشتگ کہ سیاسی کارندھانی رکینگ ءِ ھاترا اے مئے وتی حکمت عملی یے، دومی ھالات ھمے وڑاں کہ مارا وتی حکمت عملی بدل کنگ کپتگاں۔ آئی ءَ گوشتگ بازیں پارٹی پارلیمانی رھبندانی بُنیاد ءَ سیاست کنگایاں،چوشکہ بی۔ این۔ پی ءُ آ دگہ ایشانی گُم ءَ یکجاھی پد نبودیں گپے۔ تپاکی بس راجی آجوئی ءِ بنیاد ءَ بیت کنت۔