راجی جُنز ءِ سوب مندی ءَ دُژمن ءُ آئی ءِ ھندی دلار سک دلتپرکہ ءُ پریشان کُتگ اَنت۔ بانُک مھر جان بلوچ

کوئٹہ:  بلوچ  خواتین پینل  ءِ بُنجاھی  رھشون  بانُک  مھر  جان  بلوچ ءَ گوشتگ کہ  بلوچ راجی  جُنز   سوب  مندیں  دروشمے  ءَ  دیم  ءَ  جُنزانیں،  راجی   جُنز  ءِ  سوب مندی  ءَ  دُژمن  ءُ  آئی  ءِ  ھندی  دلار  سک  دلتپرکہ  ءُ  پریشان   کُتگ  اَنت۔ دُژمن  ءُ  آئی  ءِ ھندی دلار  ھمے  توجیل  ءَ گوں  گُلائیشاں  کہ آ  بلوچ  اُلس  ءِ تھا  سلاھ  بندیں جُھد ءِ  درگت  ءَ بد  گمانی  پیدا  بہ  کن  اَنت۔  دُژمن گوں بدیں  نگاھاں  بلوچ  اُلس ءِ  تھا  راج  ءِ  گوں  سلاہ  بندیں  جُھدکاراں مِھر  گوں  جوانیں وڑی ءَ پلہ  مرزی  ءِ ھتم  کنگ  ءِ  جُھد ءَ  کنگ ایں۔ اے  مھر  ءُ  حمایت  سلاہ بنداں گوں وتی  سوب  مندیں  کرداں کسانیں  وھدی ءَ اُلس  ءِ  دلانی  تھا جاگہ داتگ۔ دُژمن  ریاست  گوں  وتی  دُراھیں  چالانی  کار بندگ  ءَ  ابئید  ھم راجی  جُھد  ءِ  پروش  دیگ  ءَ  بے  سوب  بیتگ۔ آ  راجی  جُنز  ءِ دیمروی  ءُ  سوب مندی ءَ  ھچ  وڑا  داشت  نہ  کنت۔ پماشا  نو  دُژمن اُلسی  شعور ءَ جُنز  مخالفیں درچے ءَ  ترینگ ءِ  جُھد ءَ کنگ ایں۔ بد گُمانی  ودی  کنگ  ءِ ھاترا  دُژمن  ھندی دلاراں  ھم کارمرز  کنگ ایں۔ اے دلار  ھر ھنداں  وڑ وڑیں دروشماں  اَست  ءُ  موجوداں۔ بلوچ  چوشیں  دلارانی  وتگڑیں  دروگ  ءُ بے سریں  گپاں میاھاں۔ چیاکہ  دژمن  نو وتی  سرجمیں  توجیلاں  بے  سوب  بیتگ۔ نو  ھندی  دلارانی  کُمک  ءَ گوں وتی  بے  سریں دروگ  وتگڑیں گپاں چاگرد ءِ تھا بد گمانی  ودی  کنگ  ءِ جُھدا  کنگ  ایں۔ اے  بیت  کنت  سادھیں  مھلوک ءَ گونڈیں  وھدی  ءَ  بہ  پراماں۔۔بلے  گوستگیں  دہ  سالانی یک شل ءُ  سوب مندیں   جُھدا بلوچ ھمے  وڑا باشعور ءُ زانتکار  کُتگ  کہ  اے  سوبمندی  ھر  سلاہ بندیں جُھداں  السی  درچ  ءَ  رستگ۔  اے بلوچ ءِ گوں  سلاہ بندیں  جُھد ءَ ھمگرنچی  ءُ  ھواری ءِ  آخری  سیمسریں۔ دُژمن ءِ  سرجمیں  زُلم ءُ  زوراکیاں  ابئید  ھم بلوچ راج  ءِ ھمگرنچی  ءُ  کمنٹ منٹ  گوں  راجی  جُھد  ءُ  ھلاس  بیت  نہ  کنت۔ بانک ءَ گوشتگ کہ  من ءَ  گوں ڈاکٹر فورم ءِ نوک گچین  بیتگیں  باسکاں  ھمے  اُمیت ءَ  داراں  کہ آ آوار  جتگیں بلوچ ڈاکٹر ڈاکٹر  دین  محمد ڈاکٹر  اکبر مری  ءُ ڈاکٹر وزیر مری  ءُ  دگہ  بلوچانی  چہ  دُژمن ءِ قید ءُ بند  ءُ  چہ زوراک  ءِ زلم  ءُ  زوراکی ءَ رکینگ  ءِ  ھاترا  گیش ءَ  چہ گیش  وتی  جُھداں  دیم  ءَ  بر  اَنت۔