ڈیرہ غازی خان : چَہ ھوپ ءَ ھپت چک بیران زورگریں پنجاب سرکارءِ گوش ءَ مورے نہ وارت

ڈیرہ غازی خان :تمن بزدار ءَ کران ٹی ٹی ، ملیریا ، لاپ دل ءُ تپ ءِ یک مزنیں ھوپے کپتگ۔ چَہ اے ھوپ ءَ گوستگیں بیست ءُ چار کلاک ءِ تہ ءَ ھپت چک بیران بوتگ سرکار ءِ گوش ءَ دنیگت مورے نہ وارت پرچا کہ سرکاری واکدار لاھور ءَ کپتگیں ڈینگی ھوپ ءَ انچوش دزگٹ اَنت کہ آھاں وتی دزچیریں ءَ بلوچ دمگ ڈیرہ غازی خان ءَ بلوچانی مرگ ءِ سما گور نیست ۔ اد ءَ رستگیں ھالانی رد ءَ ڈیرہ غازی خان ءِ کوھی ھند تمن بزدار ءَ چَہ کپتگیں نادراھیانی ھوپ ءَ بازیں مردمے بیران بوتگ ۔ ھالانی رد ءَ مِروکانی تہ ءَ خلیل احمد ء عمر، زری بی بی ء جیون ، تسلیم بی بی ء بخش علی ، فاطمہ ء ظفر، نسرین ء منظور، صغراں ء ظفرءُ ظفراللہ ء خیر اللہ بیران بوتگ اَنت ھال رسگ ءَ پد ھم چَہ زورگریں سرکار ءِ نیمگ ءَ ھچ رنگیں گامگیج زورگ نہ بوتگ ۔