شال : سیوی دگ ءَ ویگن ءِ سر ءَ تیرگواری ءَ سئے بیران پنچ مردم ٹبی پوتگ

شال : سیوی [سبی ] دگ ءَ ویگن ءِ سر ءَ تیرگواریءَ سئے مردم بیران ءُ پنچ ٹپی بوتگ ۔ گمان ھمیش اِنت کہ اُرش شیعیاھانی [ اہل تشیع ] سر ءَ کنگ بوتگ . بلوچستان ءَ گوستگیں چندیں سال اِنت کہ شال ءَ اہل تشیع ءِ سر ءَ ٹپ ما ٹپ ءَ اُرش کنگ بوگ ءَ اِنت ۔ گوستگیں روچاں مستونگ ءَ ھم یک بسے ءِ سر ءَ اُرش کنگ ءُ سی ءِ کسا س ءَ شیعہ کشگ بوتگ کہ پہ زیارت ءَ ایران ءَ روگ ءَ بوتگ اَنت ، اے کوشانی ذمہ واری شال ءَ گیشتر ھمے رنگیں کارپدانی ذمہ واری منوکیں گل لشکر جھنگوی ءَ من اِتگ ۔ لشکر جھنگوی پنجاپ ءِ شھر '' جھنگ '' ءَ جوڑ بوتگیں یک کٹر مذھبی گلے کہ شیعیاھاں کافر سرپد بیت  ءُ ایشانی کشگ ءَ جھاد زانت ۔ اے رنگیں کوش پہ شال ءَ نوکیں ھبرے نہ اِنت بلے ایشانی تہ ءَ گیشی آیگ  اَجکہ کنوکیں ھبرے۔