نیشنل پارٹی ءَ آل پارٹیز کانفرنس ءِ بائیکاٹ کرت

شال : نیشنل پارٹی ءَ اسلام آباد ءَ لوٹگ بوتگیں آل پارٹیز کانفرنس ءِ بائیکاٹ کرت ۔ اد ءَ پاکستانی سینیٹر ءُ نیشنل پارٹی ءِ کماش ڈاکٹر مالک ءَ پریش کانفرنس ءِ تہ ءَ گوشتگ کہ نیشنل پارٹی آل پارٹیز کانفرنس ءَ بھر نہ زور اِیت اگاں پیپلزپارٹی ءِ سر کار ءِ گوں بلوچستان ءَ روش بدل نہ بوت گڑا ما اپوزیشن ءَ ھم نہ نند اِیں ۔ گوں پیپلز پارٹی ءِ ھمراھی ءَ اُستمان ءِ برگردینگ  ءُ مشرف ءِ درکنگ ءَ زرمبش چست کرتگ بلے بلوچستان ءِ جیڑہ ءِ سر ءَ گوں سنگینی دلگوش دیگ ءَ نہ اِنت ۔ آئی ءَ گوشتگ کہ سرکار کماش ءُ ملک ءِ سر وزیر ءَ بلوچستان ءَ نشانگ کنگ ءُ کشگ ، مذھبی بنیاد ءَ جنگ ءُ چوپ ، پہ زر ءَ آوار جنگ ءُ دیم شرینتگیں میتانی سر ءَ اے پی سی لوٹائینگ ءِ گپ جتگ بلے آئی ءِ گوش ءَ مورے ءَ ھم نہ وارتگ ۔ آئی ءَ اے ھم گوشتگ کہ امریکہ ءُ پاکستانی اسٹبلشمنٹ گوں یک دومی ءَ نزیک اَنت اے کانفرنس ءِ ھچ رنگیں آسر در ںئے اِت اگاں امریکہ ءَ بلوچستان ءُ وزیرستان ءِ سر ءَ اُرش کرت گڑا ما آئی ءِ اے کارپد ءَ ایرجن اِیں ۔ آئی ءَ لوٹ کرتگ کہ امریکہ ءِ درگت ءَ پاکستان وتی پالیسی ءَ بہ گیشین اِیت ۔زانگ لوٹ اِیت کہ زیک نیشنل پارٹی ءِ کمک کماش حاصل بزنجو ءَ یک ٹی وی یے تہ ءَ گوشتگ اَت کہ نیشنل پارٹی کانفرنس ءَ بھر زوراِیت ۔