لندن: جولین اسانج شنگکار ءِ سرا زھر گِپتگ۔

لندن: وکی لیکس ءِ  رھشون جولین اسانج ءَ  برطانیہ ءِ    یک شنگکاری ءِ سرا   پہ زھر ایراد  گپتگ ءُ گوشتگ   کہ آئی ءَ منی  سرگوست ءِ  یک بھرے  چہ منی اجازت ءَ  ابئید  شنگ کُتگ۔   جولین ءَ گوشتگ کہ سرگوست ءِ سیاھگ دنیگہ آسرا سر نہ بیتگ۔  شنگکار ءَ پہ نپ گرگ ءِ ھاترا سیاھگ ءِ اولی رَد نبشتہ کُتگیں سیاھگ  شنگ کُتگ۔ شنگکار ءَ سرگوست ءِ سیاھگ   پنچ شنبہ  ءِ روچ ءَ  دُکان ءُ  انٹرنیٹ ءَ    نھادی  ءَ آؤرتگ ءُ   پہ وتی   نپانی   ھاترا بھائی  کنگیں۔  کینن گیٹ ءِ گوشگ ءِ   ردا  اسانج ءَ   ”گھوسٹ رائٹر”  ءِ گُمءَ سرگوستی سیاھگ ءِ سرا کار کُتگ بلے رندا منگ نامہ رد کنگ بیتگ۔ سرگوستی   سیاھگ ءِ  تھا   جولین اسانج ءِ  ماں   آسٹریلیا ءَ گوازینتگیں زندگی ءِ سرا نبشتگیں ھما سیاھگ ھوار اَنت، کہ آ وھدا جولین کمپیوٹر ءُ ہیکنگ ءَ گوں ھمگرنچ بیتگ۔ چیریں رازانی پدر کنگ    ءَ ویب سائیٹ   ٹھینتگ۔ وھدیکہ شنگکار ءِ گوشگ اِنت کہ   ما جولین   ءَ سیاھگ ءِ شنگ کنگ ءِ پژدرا چہ کارگس ءِ نیمگ ءَ  پیسرا  زر  داتگ  پدا  آئی ءَ زر واپس نہ کُتگ اَنت۔ ایشی ءِ مول ءُ مراد ھمیش اِنت کہ سیاھگ ءِ شنگ کنگ مئے حق اِنت۔