کیچ بار ءِ کماش ناظم ایڈوکیٹ ءِ گوں پاکستان سپریم کورٹ ءِ جج ءُ نامی ئیں وکیل ءَ گوں گندک ءِ تہ ءَ بلوچستان ءِ جنجالانی سر ءَ میان اُستمانی تک ءَ توار چست کنگ ءِ لوٹ کرتگ

تربت : کیچ بار ایسوسی ایشن ءِ صدر ناظم الدین ایڈوکیٹ ءُ کارگشاد مصطفی ایوب گچکی ءَ سپریک کورٹ بار ایسوسی ایشن ءِ میان اُستمانی سیمینار ءَ بھر زرتگ ۔ لاھور ءَ بوتگیں اے دیوانءِ تہ ءَ آئیءَگوں پاکستان سپریم کورٹ ءِ چیف جسٹس ءَ ھم دوچار کپتگ ءُ چَہ آئی ءَ لوٹ کرتگ کہ تربت ءَ ھائی کورٹ بنچ فکشنل کنگ بہ بیت ۔ آئی ءَ گوں پنجاب ءِ اُستاندار ءُ اُستان سروزیر ، پاکستان سپریم کورٹ بار ءِ پیشگیں کماش علی احمدکرد ، بلوچستان ہائی کورٹ بار ءِ صدر ظہور احمد شاھوانی ایڈوکیٹ ءُ پاکستان سپریم کورٹ ءِ سروک عاصمہ جھانگیر ءَ گوں دوچار کپتگ ءُ گوں آئی ءَ بلوچستان ءَ انسانی حقانی لگتمالی ءِ سر ءَ گپ جتگ ءُ  ایوب گچکی ایڈوکیٹ ءُ منیر احمد میروانی ءِ درنہ گیجگ ءُ بلوچ دزگیرانی کساس ءِ روچ پہ روچ گیش بوگ ءُ دیم شرینتگیں میتانی دزکپگ ءِ سر ءَ گپ جتگ ءُ انسانی حقانی گل ءُ عاصمہ جھانگیر ءَ گوں دزبندی کرتگ کہ اے جنجالانی سر ءَ میان اُستمانی تک ءَ توار چست بہ کن اَنت۔