کراچی ' داد گر داد رسی ءَ بے وس بلوچ ورنا انگت ایم کیو ایم ءِ دھشت گردانی دست ءَآوار جنگ بوگ ءَ اَنت

کراچی[ جھگیر ] لیواری ءَ چار ورناھانی آوار جنی ءِ ھلاف ءَ زھرشانی کنگ بوتگ ۔ لیواری ءِ دمگ سنگولین ، نوکیں لین چیل چوک ،گھاس منڈی ، حاجی کیمپ ، لی مارکیٹ ،کھارادر ، میٹھادر ءُ دگہ دمگاں مھلوک ءَ زھرشانی کنان ءَ دگ ءُ دکان بند کنائینتگ اَنت ۔ دگانی سر ءَ ٹائر بن داتگ ۔ یک ھپتگے ءِ  ھاموشی ءَ پد پدءَ کراچی ءَ آوارجنی ءِ سلسلہ بندات بوتگ ۔ نوکیں لین ءِ جاھمنند منند شریف بلوچ پہ شناختی کارڈ ءِ جوڑکنگ ءَ عوامی مرکزءَ شتگ بلے دنیگت ھچ ھال ئِے نیست ۔ آئی ءِ کھول ءِ مردمانی گوشگ اِنت کہ شریف اغواء کنگ بوتگ ءُ مارا ترس اِنت کہ آئی ءِ جان ءَ تاوان مہ بیت ۔ وھدیےکہ شریف ءِ اغواء ءِ ھال لیواری ءَ رستگ  گڑا لیواری ءِ مھلوک ءَ دگ بند کرت ٹائرآس داتگ ءُ زھرشانی کرت زھرشانی کنوکاں نوکیں لین ، حاجی کیمپ ، گھاس منڈی ، رنچھوڑ لائن ءِ دگ بند کرتگ ٹائرآس داشت ۔ ھالانی ردءَ  چَہ ھمے  ھال ءَ سرجمیں لیواری ءَ زھرشانی بندات بوتگ ۔ زھرشانی کنوکانی لوٹ اِت کہ شریف بلوچ ءُ دگہ بلوچ ورنا درگیجگ بہ بنت ءُ آھاں چیف جسٹس صدرپاکستان آئی جی سندھ ءَ گوں لوٹ کرت شریف بلوچ ءُ دگہ بلوچ زوت درگیجگ بہ بنت ۔ ..