آيوكيں وهد ءَ پہ غزه ءَ كمكى گلگانى همراهى ءَ جنگى گُراب هم ديم ديگ بنت،ترک مزن وزیر طیب اردگان

مزن هور(جهگير)ترک مزن  وزیر طیب اردگان ءَ گوشتگ آيوكيں وهد ءَ پہ غزه ءَ كمكى گلگانى همراهى ءَ جنگى گُراب هم ديم ديگ بنت،دانكہ ازرائيل ءِ نيمگ ءَ پدا "فریڈم فلوٹیلا "ءِ وڑیں اُرش كنگ مہ بيت،عرب ٹیلی وژن الجزیرہ ءَ هالترانے ءَ آئى ءَ گوشتگ مرچى ءَ پد ازرائيل ءَ چوشيں اُرش ءِ موه ديگ نہ بيت،آئى ءَ گوشتگ ازرائيل ءَ بحیرہ روم ءِ مڈيانى سرا قبضہ كنگ ءِ اجازت ءَ هم نہ دئيں، طیب اردگانءِ اے بيان ءِ درگت ءَ ازرائيل ءِ وزارت خارجہءِ ترجمان پال موریاگال ءَ گوشتگ اے بيان ءِ سرا تبصره كنگ المى نہ اِنت ءُ فریڈم فلوٹیلا ءِ اُرش ءَ ما معافى نہ لوٹيں، اے گپ هم زانگى اِنت كہ فریڈم فلوٹیلا ءِ تُركى ءِ كمكى گلگانى سر ءَ ازرائيل ءِ کمانڈوز اُرش ءَ دوئيں مُلكانى ميان ءَ تنيگہ زهر شانى برجاه اِنت.