میکسیکو : زرباری شھر ویرا ءَ یازدہ مردمانی جتگ ءُ چپتگیں لاش دز کپتگ

میکسیکو سیٹی:  میکسیکو پولیس ءِ ردا زرباری شھر ویرا کروز ءَ یازدہ مردمانی جتگ ءُ  چُپتگیں لاش دزکپتگاں۔  رسانکدر ءِ ردا لاش شھر ءِ دگہ دگہ دمگاں دز کپتگاں۔  پراسیکیوٹر سرکار ءِ ردا پولیس ٰءَ میانی شھر ءِ سڑک ءِ سرا چار مردمانی جتگ ءُ چُپتگیں لاش دزکپتگاں ءُ وھدیکہ شھر ءِ دگہ دو ھنداں ھپت مردمانی لاش دز کپتگاں۔   سرکار ءِ ردا ویرا کروز ءَ پراسیکیوٹر ءُ اعلیٰ سرکار ءِ  ھواریں برجم  داشتگیں  مراگش ءِ وھد ءَ جوانیں وڑی ءَ سکیورٹی انتظام کنگ بیتگاں ءُ  گیشیں  پولیس ءُ  فوجی کارندہ اوشتارینگ بیتگاں۔ زانگ بہ بیت کہ سئے شنبہ ءِ روچ ءَ ھم میکسیکو ءِ جنوبی ھند لوکاڈیل ریو ءَ ھم سی ءُ پنچ مردمانی جتگ ءُ چُپتگیں لاش دزکپتگاں۔ ایشی ءَ چہ ھمے گُمان زاھر کنگ بیتگ کہ اے کرداں شپُکانی ٹولی ”زیتاس” ھوار بیت کنت۔