حب ءِ جاھمندیں دو بلوچ چَہ کراچی ءَ آوار جنگ بوتگ

حب : حب ءِ جاھمندیں دو باپاری چَہ کراچی ءِ جتا جتائیں ھنداں آوار جنگ بوتگ ۔

اے درگت ءَ عرض محمد مری ءَ گوں اھوالکاراں گپ جنان ءَ گْوشتگ کہ آئی ءِ ناکوزتک نامداریں زمیندار نظرمحمد مری ءِ بچ مصطفی مری چَہ نیول ءِ نزیک ءَ حب ریورروڈ ءَ آوار جنگ بوتگ ۔

دومی مردم  غلام نبی محمد حسنی اِنت کہ چَہ عزیز بھٹی تھانہ ءِ سیمسر حسن اسکوائر ءَ چست کنگ بوتگ ۔ غلام نبی ءِ لوگ ءِ مردماں گْوشتگ کہ آ کراچی ءَ پہ وتی چکانی نادراھی ءَ شتگ اَت کہ آوار جنگ بوت ۔

غلام نبی باپاری ءُ کراچی چیمبر آف کامرس ءِ باسک اِنت  ۔