مردم آزاریں عزیر ءُ بابالاڈلا ءِ ریڈ وارنٹ

بام ھال ۔ چَہ پاکستانی سرکار ءِ دزبندی ءَ لیاری ءِ نامی ئیں مردم آزار عزیر ءُ بابا لاڈلا ءِ ریڈ وارنٹ کشگ بوتگ اَنت ۔

عزیر ءِ ریڈ وارنٹ یازدہ جون ءَ ءُ بابا ءِ دوازد ہ جون ءَ کشگ بوتگ ۔

عزیر ءِ وارنٹ ءَ آ تاوندئیں ھرابکارے گْوشگ بوتگ ءُ آئی ءِ بوتن رمس 10 اکتوبر 1977 ءُروزگار سِلکاری نوشتہ اِنت ۔ ریڈ وارنٹ ءِ رد ءَ عزیز مزن ھُور ، ایران ، مشکت ءُ زرباری آپریکا ءَ شتگ ۔

نورمحمد بابا لاڈلا ءِ ریڈ وارنٹ ءِ رِد ءَ آئی ءِ بوتن رمس 10 اکتوبر 1974 اِنت ءُ آئی ءِ کاروبار ءِجاہ ءَ ھالیکیں ٹکے جتگ البت آ نشانگ کنگ ءُ کشگ ، مردماں پہ تمردی سُنگ ءُ زر گرگ ، آوارجنگ ءُ دگہ سلکاریانی سر ءَ پہ آمیدگیس ءِ پیش کنگ ءَ لوٹگ بوتگ ۔ وارنٹ ءِ رِد ءَ بابالاڈلا مزن ھُور ءُ ایران ءَ شُتگ ۔ 

گْوستگیں بابا لاڈلا ءِ روکپتی بلوچستان ءِ کشگ ءِ ھال ھم ماں رسانکدر ءَ شنگ بوتگ ءُ اے درگت ءَ ھکسے ھم شنگ کنگ بوتگ کہ آئی ءِ تہ ءَ بابالاڈلا ءِ ٹپی ئیں لاش گندگ بوتگ اَنت بلئے رند ءَ اے ھال دروگے گْوشگ بوت ۔