مرگاپ ءِ شھیدانی سیمی سالروچ ءَ سرجمیں بلوچستان ءَ دربندی

بام: مرچی بلوچ راجی شھید رھشون ءُ تمردیں سر واجہ غلام محمد، شیر محمد ءُ لالا منیر ءِ سیمی سالروچ دارگ بیتگ، راجی گلانی جار ءِ پدا بلوچستان ءِ بازیں دمگاں دربند ھڑتال کنگ بیتگ ءُ شھیدانی یات ءَ مراگش برجم دارگ بیتگ۔ بلوچ راجی شھید واجہ غلام محمد ، شیر محمد ءُ لالا منیر ءِ دیستگیں وابانی سوغات کہ ”بلوچ نیشنل فرنٹ” ءِ دروشم ءَ موجود اِنت۔ بائد آیوکیں اوبادگ گیش ءَ گیش اے فرنٹ ءَ مھکم بہ کنت۔ راجی گل وتی سرپانی تھا نزیکی بیار اِنت ، دانکہ راج شھیدانی دیستگیں وابانی معنا در بئیت کہ آ آزاد بلوچستان اِنت۔ اے وڑ ءَ ما یکے دومی یے سرا بے سریں کچہ چینی ءُ کلاگ ءُ چیواہ کنیں ، تا ما تاوان بار بئیں ءُ مارا شھیدانی دیم ءَ جوابدہ بیئگی اِنت۔