داں زاھد یلو کنگ نہ بیت ، شدکشیں زھرشانی برجاہ بیت ' لوگبانک

اسلام آباد: بلوچ اسٹوڈنٹ آرگنائزیشن آزاد ءِ بیگواھیں راھشون زاھد بلوچ ءِ لوگ بانک ءَ اسلام آباد پریس کلب ءِ دیم ءَ شدکشیں زھرشانی ءَ نندگ ءِ جار جتگ ۔

آئی ءَ گْوشتگ کہ زاھد بلوچ پاکستانی فورسزاں چَہ وتی چیک پوسٹ ءَ دزگیر کنگ ءَ پد بیگواہ کُرتگ ءُ داں آ یلو کنگ نہ بیت ، آئی ءِ کھول اسلام آباد پریس کلب ءِ دیم ءَ شدکشیں زھرشانی ءَ نند اِیت ۔

اے درگت ءَ زاھد بلوچ ءِ کھول ءِ مردماں اسلام آباد پریس کلب ءِ دیم ءَ کیمپ ئِے جتگ ءُ چَہ مروچیگ ءَ شدکشیں زھرشانی بندات کُرتگ ۔