کیچ: ککن ءَ پاکستان آرمی ءِ ایف سی ءِ سر ءَ اُرش

کیچ:سرمچارانی بیم ءَ آرمی ءَ ایف سی ءِ سر ءُ اُرش کُرتگ.  کیساک ءَ پاکستان آرمی ءُ ایف سی ءِ میان ءَ تیر ءُ راکٹ گواری ھم بوتگ.  آرمی ایف سی ءِ سپاھیگاں سرمچار سرپد بوتگ ءُ آھانی سر ءَ اُرش کُرتگ ئِے ‍،رند ءَ زانگ بوتگ ھردو نیمگ ءَ زور گر اَنت ءُ نی ھرکس چَہ پشلی ءَ وتی راہ ءَ شتگ.

اے کار مروچی دوشمبے ءِ سھب ءَ بوتگ. وھدے کہ پاکستان آرمی ءِ سپاھیگ گوں وتی گاڑیاں دیم پہ " ککن " وتی نوکیں کیمپ ءَ روگ ءَ اِت اَنت ءُ ایف سی ءَ ھمے کیمپ ءِ نزیک ءَ وتی گاڑی کوھاں چیر داتگ ءُ سَنگر گیپتگ اَت.

وھدے کہ پاکستان آرمی ءِ سپاھیگانی چم ایف سی ءِ سنگر گیپتگیں سپاھیگاں کپت ھمے سرپد بوت اَنت کہ بلوچ سرمچاراں آھانی سربستگ ءُ آ ھوش ءَ جواب دات اَنت.  آگشادی چَہ گاڑیاں ایر کپت اَنت ، کوھاں سَنگر گیپت اِش ءُ ایف سی ءِ سر ءَ تیر ءُ راکٹ گواری اِش بنا کُرت ، داں دیر ءَ زانگ بوت کہ آھانی نشانگ بلوچ سرمچار نہ اَنت بلکیں ایف سی اِنت ، چَہ ساھتے ءَ گیش بوتگیں اے وت ما وتی جنگ ءَ مزنیں کساسے ءَ تاوان ءِ ھم گمان اِنت.