" مِھران مری " ءِ سرداری ءِ جار ،جاویدمینگل ءِ وش اَتک

شال:مری ٹک ءِ کماش ءُ کھدھاں چَہ ریاستی ادرھانی نیمگ ءَ چنگیز ءِ دستاربندی ءُ چَہ ھیربیار ءِ نیمگ ءَ سرداری ءِ ھلاسی ءِ جار رَد کُرتگ ءُ سردارخیربخش ءِ بچ مھران مری ٹک ءِ سروک جوڑ کُرتگ ءُ گوں بلوچ ٹک ءُ آزادی لوٹوکیں گلاں ھمے لوٹ کُرتگ کہ مھران ءَ کمک بہ کن اَنت .

آھاں گْوشتگ کہ اے شَور چَہ سردار خیربخش ءِ وصیت ءِ وانگ ءَ پد کنگ بوتگ آئی ءَ چَہ وتا ءَ پد وتی جانشین مھران مری جوڑ کُرتگ اَت.

چَہ لندن بلوچ راھشون جاویدمینگل ءَ بیانے داتگ ءُ مِھران ءِ سردار گچین کنگ وشیں مستاگے گْوشتگ ءُ اُمید پدر کُرتگ کہ مھران سردار خیربخش ءِ راہ روت.

آئی ءَ گْوشتگ کہ مری کماشاں پہ وھدے اے شَور بستگ ءُ ریاستی پندل ناسوب کُرتگ اَنت.