سئے سال ءِ تہ ءَ چَہ بلوچستان ءَ ھشت شد انسانی جُون دست کپتگ

  این ین آئی: چَہ بلوچستان ءَ گْوستگیں سئے سال ءَ ھشت سد  انسانی جُون دست کپتگ ۔ ٹی وی ءِ رِد ءَ بلوچستان  ءِ تھی کارانی محکمہ ءُ گوں قبایلی جیڑھانی چارگزاریں محکمہ ءَ ھمگرنچیں مردمے ءَ گْوشتگ کہ گیشتر جُون شال ، خضدار ءُ مکوران ءِ دمگاں دست کپتگ اَنت ۔ آئی ءَ گْوشتگ کہ چَہ ایشاں چار سد ءُ شست ءُ شش جُون بلوچانی، سد ءُ بیست ءُ سئے پشتونانی ، سد ءُ ھپت پجارگ نہ بوتگ ءُ ھمینکس جُون چَہ بلوچستان ءَ ڈن ءِ مردمانی دست کپتگ ۔

آئی ءَ گْوشتگ کہ چَہ چارسد ءَ بُرز جُون بلوچ سیاسی کارکنانی بوتگ اَنت بلئے وائس فار بلوچ مسنگ پرسنز ءِ چیئرمین ءِ رِد ءَ بلوچانی دست کپتیگیں میتانی شمار چَہ سرکارءِ داتگیں شمار ءَ باز گیشتر اِنت ۔

ایچ آر سی پی بلوچستان ءِ باسک شمس المکک مندوخیل ءَ گوں ٹی وی ءَ گپ جنان ءَ گْوشتگ کہ سرکار اے کُشت ءُ کوشانی پٹ ءُ پول المی ءَ  بہ کنت ۔