کیچ: شاپک ،شھرک ءُ سامی ءَ لشکریانی اُرش

کیچ: پاکستانی زورگریں ایف سی ءِ سپاھیگاں شاپک ، شھرک ءُ سامی ءِ دمگ انگیر کُرتگ ءُ راہ ءُ ڈکانی سر ءَ زور گریں لشکری اُوشتارینتگ کہ مردماں پٹگ ءَ اَنت.

لوگانی سر ءَ لھتے جاھاں لشکریاں اُرش کُرتگ ، سلامت ءُ توانمندیں مردماں ابید چک، جنین ءُ کماش ھم لٹ کُٹ کنگ بوتگ اَنت .

ھوشاپ ایف سی کیمپ ءَ زورگریں آرمی ءِ سپاھیگ مزنیں کساسے ءَ اَتکگ اَنت ءُ ھیلی کاپٹرے ھم آزمان ءَ گندگ بوتگ  .ھوشاپ ءِ نزیکیں دمگاں بم تْراک ءُ تیرانی توار ھم اِش کُنگ بوتگ.

زورگراں دو ڈرائیور گوں گاڑیاں دزگیر کُرتگ ءُ گوں وت بُرتگ اَنت.