مارا کوردانی آجوئی پلہ مرزی کنگی اِنت'بنجامین

تل ابیب: ازرائیلی مزن وزیر بنجامین نیتنیاھو ءَ چَہ دنیا ءَ  کوردانی آجوئی ءِ پلہ مرزی ءِ لوٹ  کُرتگ ءُ گْوشتگ کہ " مارا کوردانی آجوئی ءِ واھگ ءِ پلہ مرزی کنگ لوٹ اِیت کورد پہ وتی آجوئی ءَ جنگ ءَ اَنت. "

چَہ بنیامین ءِ اے ھبر ءَ دمگ ءِ تہ ءَ چست بوتگیں بدلیاں پد دنیا ءِ لیکوانی تہ ءَ ھم بدلی ءِ شُبینگ بیت البت ازرائیل ءُ عراقی بندبست ءَ ھواریں کوردانی گوں یک دومی ءَ ھمکاری چَہ نوزدہ سد ءُ شست ءَ ھست ھر دو راجانی میان ءَ باپاری ءُ سیاسی ھمگرنچی ھست بلئے کوردانی آجوئی ءِ دیناداسی پلہ مرزی نہ بوتگ آئی ءِ سبب رودرتکی ملکانی گوں ترکی ءَ ھمبستگی بوت کنت کہ آھاں ھم کوردستان ءِ مزنیں بھرے دستیگ کُرتگ ءُ نہ لوٹ اَنت کہ کورد آجو بہ بنت.