لیبیا ، راکٹ ارش ءَ امریکی سفیر گوں سئے سفارتی کارندہ ءَ بیران بوتگ

بام :  لیبیا ءِ شھر ”بن غازی“ ءَ امریکی سفارت ءِ سرا اُرش بیتگ۔ ھالانی ردا ارش دوشی شپ ءِ نیم ءَ بیتگ، ارش ءِ آسرا امریکی سفیر ”کرسٹو فیر اسٹیفن“ گوں دو سفارت کارندھاں ھوار بیران بوتگ اَنت۔ لیبیائی سرکار ءِ ردا دنیگہ اے گپ ءِ راستی منگ نہ بوتگ کہ وئیل سفارت ءِ ماڑی ءِ سرا ارش ءِ سوب ءَ بیتگ یا سفارتی گاڑی ءِ سرا ارش بوتگ۔

گوستگیں روچاں امریکی  ٹیری جونز گروپ ءِ نیمگ ءَ جوڑ بیتگیں فلم ءِ دیم ءَ آیگ ءِ پُژدر ءَ لیبیا ءَ زھرشانی ءِ لَڑ برجاہ اِنت۔ گوستگیں روچ ءَ زھرشانی کنوکاں امریکی سفارت ءِ سرا ارش کُتگ ءُ امریکی بیرک آس داتگ۔ زھرشانی کنوکیں مھلوک ءِ گُشگ اِنت کہ ”ٹیری جونز گروپ“ ءِ نیمگ ءَ جوڑ بوتگیں فلم اسلام ءُ نبی صلیٰ اللہ وسلم ءِ شان ءُ شرپ ءِ ھلاپ اِنت۔ چوشیں کرداں مسلمان کدی شموشکار نہ بنت۔