مئے گل آزاد صحافت ءِ حق ءَ اِنت ، بھرام بلوچ

بام: بلوچ سلاہ بندیں گل ‘‘بلوچستان لبریریشن فرنٹ‘‘ ءِ ترجمان بھرام بلوچ ءَ بی۔بی۔سی ارودو سروس ءَ تران کنان ءَ اے گپ رد کُتگ کہ آھانی گل ءِ نیمگ ءَ ایوب ترین ءَ بیھار رستگ کہ کوئٹہ ءَ زوت درکپ۔۔۔ بھرام بلوچ ءَ گُشتگ کہ مئے گل آزاد صحافت ءِ حق ءَ اِنت ، مئے گل گوستگیں دہ سالاں بلوچستان ءِ آجوئی ءِ جنگ ءَ کنگ اِنت۔  گوستگیں دہ سالاں مئے گل ءِ  نیمگ ءَ نہ صحافیاں بیھار رستگ ءُ نہ چہ  مئے گل ءِ  نیمگ ءَ ھالکار گُشگ بیتگ اَنت۔

آئی ءَ گُشتگ کہ  ھالکار بائد  پٹ ءُ پول ءَ پد ھالاں شِنگ بہ کن اَنت۔  بی۔بی۔سی ھم بائد ھمک حبر ءِ شنگ  کنگ ءَ پیش چہ سرکاری یا ایف ذرائع ءَ ابئید ھما دمگ ءِ مھلوک یا ھالکاراں جُست بہ گِر اَنت کہ آؤدا ھما وئیل پیش اَتکگ۔

دو روچ ساری بی۔بی۔سی ءَ ھمے گپ  دیم ءَ اَتکگ اَت  کہ بلوچ گل ءِ نیمگ ءَ بی ۔بی۔ سی ءِ ھالکار ایوب ترین ءَ بیھار رستگ۔۔

ھالکارانی نگھپانی ءِ ھاترا کار کنوکیں میان استمانی گل ‘‘رپورٹرز وِد آؤٹ بارڈر‘‘ ءَ  اے درگت ءَ دِلرنجی درشانتگ اَت۔۔۔۔