بام زمین بتم : سوگند سرسبزی روچ ءِ درگت ءَ

11اگست 1947 ءَ چَہ انگریزانی اے ھند ءَ روگ ءَ پد ، بلوچستان ءِ آجوئی ءِ جار جنگ بوت ۔ 

ھشت ماہ ءُ پانزدہ روچ ءَ آزادیں رنگے ءَ گْوازینگ ءَ پد 17 مارچ 1948 ءَ  بلوچستان یک رندے پد ءَ نوک جوڑ بوتگیں زورگریں ریاست پاکستان ءَ دستیگ کرت  داں ھما روچ ءَ بہ گر مروچی بلوچ پہ وتی آجوئی ءِ روچانی پد تْرینگ ءَ گوں پاکستان ءَ جنگ ءَاَنت ۔

11 اگست ءِ روچ مارا تْرانگ ءَ گیج اِیت کہ بلوچستان ھم یک آزات ءُ وتکواکیں ملکے بوتگ چَہ بلوچانی نا تپاکی ءُ دری واکانی پندلاں بلوچستان ءِ آجوئی پلگ بوتگ ءُ بلوچ غلامی ءِ تھاروکیاں منتگ ۔

اے روچ وشی ءُ شاتکامی ءِ نہ اِنت بلکیں اے روچ سوگند سرسبزی [ یوم تجدید عہد ] روچ اِنت ، ترانگ ءُ گیر آرگی روچ اِنت ، وتی سر ءَ بژن ءُ بش بش ورگی روچ اِنت کہ ما چَہ وتی نابودی ءَ وتی آجوئی داشت نہ کرتگ بلے بیا کہ چَہ غلامی ءِ زند ءَ ایمن بوگ ءِ بدل ءَ جھد ءِ پڑ ءَ گوں بلوچ جھدکاراں دست پہ دست بئے اِیں ءُ سوگند وراِیں ۔

من ۔۔۔۔۔۔۔۔۔۔۔۔۔۔۔۔۔بلوچ راج ، بلوچ گلزمین ءُ بلوچ شھیدانی سوگند ءَ ور آں ءُ پیمان کن آں چوشیں کارے نہ کن آں کہ بلوچ راج ءُ بلوچ راج زْرمبش ءَ تاوان بہ رس اِیت ءُ پہ بلوچ راج آجوئی ءِ پدتْرینگ ءَ ھچ رنگیں دیمونی دئیگ ءَ چک ءُ پد نہ بئے آں ۔