بلوچی آمید گس ءِ پرمان ءَ دو چاریگاں مرگ ڈنڈ داتگ ' بی ایل اے

شال : بلوچ آجوئی لشکر( بلوچ لبریشن آرمی) ءِ جارکش میرک بلوچ ءَ گْوشتگ کہ مئے سرمچاراں دو پاکستانی چاریگ کشتگ ءُ جون مارگٹ ءَ چگل داتگ اَنت ۔

دوئیں چاریگ سرمچاراں لھتیں روچ پیسر ءَ دزگیر کرتگ اِت اَنت چَہ ایشاں ڈاکٹر علی حیدر گوں ملٹری انٹلی جنس ءَ بندوک ءُ آھانی سرگرمیں باسک اَت کہ ماں ماروڈھ ءُ ھمگْوراں پہ چاریگی اَتکگ اَت ھمے مرد وھدے بلوچی آمید گس ءَ پیش کنگ بوت گڑا جست ءُ پرس ءِ میان ءَ آئی ءَ وتی میار من اِتگ اَنت ءُ وتی دگہ ھمراھانی نام ءُ نشان ھم گْوشتگ اَنت ھمے مرد ءَ چَہ وتی اُگدہ ءَ ناجائزیں سوت چست کرتگ ءُ ھند ءِ تہ ءَ بدیں کارانی تہ ءَ ھم ھوار بوتگ ۔

دومی چاریگ حاجی محمد رفیق بوتگ آئی ءَ ھم بلوچی آمیدگس ءِ دیم ءَ وتی میار من اِتگ اَنت ۔ بلوچی آمیدگس ءَ میاربار بوگ ءِ سبب ءَ ھر دوچاریگ مرگ ءِ ڈنڈ داتگ اَنت ۔ بلوچ آمید گس ءِ پرمان ءِ سر ءَ بلوچ آجوئی لشکر ءِ سپاھیگاں ھردو چاریگ کشتگ اَنت ۔

آئی ءَ گْوشتگ کہ ما چاریگاں ھژدار کن اِیں کہ چَہ بلوچ دشمیں کارپداں وتا دور بہ دار اَنت اگاں ناں آھانی آسر ھم ھمے بیت ۔

دوئیں گلزمین ءِ گدارانی جون لیوز ءَ دست کپتگ اَنت کہ سر ءَ تیر جنگ ءُ مرگ ڈنڈ دیگ بوتگ اَنت ۔