راج ءِ بے زانگ پہ زر ءَ آوارجنانی چاریگ اَنت ' ھوران بلوچ

شال : پہ پاکستانی لشکریانی آوار جتگیں بلوچانی دراھی ءَ بستگیں شد گدان ءَ ھشت سد ءُ پنجاہ ءُ ھشت روچ سرجم بوتگ ۔ 

گوں آواریں بلوچانی کھول ءَ ھمدردی دْرشانگ ءَ بی آرپی زالبول تک شال زون ءِ تْرامکار بانک ھوران بلوچ شد گدان ءَ اَتکگ ءُ گوں کھولاں ھمدردی دْرشانان گْوشتگ ئِے مروچی دْرسیں بلوچاں جیڑگ لوٹ اِیت کہ ما کشگ ھم بئے اِیں ، زنداناں شکنجہ کنگ بئے اِیں ، بے میار ما گوں تیراں دْرشگ بئے اِیں ، آ کش اَنت ، زور ءُ جبر کن اَنت ناں زندانی بنت نہ آھاں ڈن دئیگ بیت آ ھاں اے حق کے ءَ داتگ ۔ 

آئی ءَ گْوشتگ کہ مئے بے تْواری ءَ آ اے جھان ءِ ھاکم جوڑ بوتگ اَنت چَہ مئے مڈیاں تپنگ ءُ توپ بھا زور اَنت ءُ مارا کش اَنت ۔ بلوچ راج ءِ لھتیں بے زانگیں مردمانی دیم ءَ لھتیں زر دور دئے اَنت گڑا آ پہ وتی واھند ءِ وشانی ءَ وتی براتانی چاریگی کنت پرچا کہ ھما گوں زورگراں ساز باز کنگ ءُ دروگ ءَ راست منارینگ ءِ جھد ءَ اَنت آ پہ زور گر ءِ دیوال ءِ کمک ءَ آھانی زبان ءَ گپ جنگ ءَ اَنت ۔ آھانی ھسابگری بلوچانی کار اِنت راج ءِ ھما ٹک کہ گامگیجی باندات ءَ راجی جنگ ءَ بے توار اِنت آئی ءَ کچ ء وت کارے کنگ لوٹ اِیت وتی کینگ ءَ دل ءَ دارگ ءِ بدل ءَ ڈن ءَ در آھگ ءُ زورگرءِ دیم ءَ میلانک بوگی اِنت ۔