شال : شدہ کشیں گدان ءَ چل ءُ نو روچ سرجم ، جولائی دوھزار دہ ءَ دیم پنچسد بیگواھیں دزگیرانی میت رستگ
Monday, July 23, 2012
شال :پہ پاکستانی سرکار ءِ آوار جتگیں بلوچانی دراھی ءَ بستگیں شدھ کشیں زھرشانی گدان ءَ ھشت سد ءُ چل ءُ نومی روچ سرجم بوتگ ۔ بی ایس او خاران ھنکین ءِ لھتیں باسک شدھ گدان ءَ اَتکگ آَنت ءُ گوں آواریں بلوچانی کھول ءَ ھمدردی اِش کرتگ ۔
آھاں گْوشتگ کہ انسانی حقانی لگتمالی ءُ برجاھیں جبر ءُ زور بلوچستان ءَ داں کدی مان اَنت ۔
آھاں گوں میان اُستمانی ادارہ ، تپاک راجیں گل ءُ گوں دگہ ملکاں دزبندی کرتگ کہ بلوچستان ءِ تہ ءَ دزمانجنی بہ کن اَنت ۔
جولائی دوھزار دہ ءَ بہ گراں داں مروچی پنچسد بیگواھیں دزگیریانی میت دست کپتگ ۔ بندی جاھانی تہ ءَ بوتگیں اے کوشانی تہ ءَ ریاستی انٹلی ایجنسی ، آرمی ءُ نیم آرمی ادارہ ءُ سرکار ءِ دست مان اِنت اے ھبر ءِ گْواہ پہ انسانی حقاں کار کنوکیں ادارہ ءُ آوارجتگیں مردمانی کھول اَنت ۔ چَہ بلوچستان ءَ دست کپتگیں میت پہ زور بیگواہ کرتگیں مردمانیگ اَنت ۔
Comments[ 0 ]
Post a Comment