امریکا ” بلسٹک میزائل پروشیں سسٹم” ءِ جوڑ کنگ ءَ سوب مند بیتگ

واشنگٹن: امریکا ءَ میزائل پروشیں سسٹم ءِ چکاس ءَ سوب مندی رَستگ۔ درملکی رسانکی ھالانی ردا امریکا میزائل پروشیں نظام ءِ بازیں سالانی چکاسگ ءَ پد سوب مند بیت۔ امریکی میزائل ڈیفنس ایجنسی ءِ ردا امریکا ءِ ھَند ہوائی ءِ ”میزائل رینج فسیلٹیز” ءَ بلیسٹک  میزائل پہ نشانگ ءَ دیم دیگ بیتگ کہ امریکی  یو ایس ایس لیک ایری ءَ چہ دیم داتگیں دیمپانی میزائل بلاک ون بی ءَ میزائل نشانگ ءِ کپگ ءَ چہ پیسر جتگ ءُ پروشتگ۔ دیمپانی میزائل بلاک ون بی ھر وڑیں بلسٹک میزائل ءِ گِر ءُ دار ءِ ھاترا کارمرزگ بیت۔ اے دفاعی میزائل ءِ دومی چکاس بیتگ کہ سوب مند بیتگ۔ ایشی ءَ پیش ستمبر 2011 ءَ ھم چکاسگ بیتگ کہ وتی نشانگ ءَ بے سوب بیتگ۔