بلیدہ، دو بلوچ ورناہ آوار جنگ ءُ بیگواہ کنگ بیتگ اَنت

بام ھال: رسانکی ھالانی ردا بلیدہ ءِ دمگ ”سُلو” ءَ پاکی رستریں لشکر ایف ۔ سی ءَ دو بلوچ ورناہ آوار جتگ ءُ بیگواہ کُتگ اَنت۔ گوستگیں ماھاں ماں امریکی سنیٹ ءَ بلوچ وتواکی ءِ حق ءُ بلوچ ورناھانی کُشت ءُ کوش ءِ ھلاپ ءَ ”مسام” (قرارداد) ءِ پیش بیئگ ءَ ابئید ھم ماں بلوچستان ءَ پاکی رستریں لشکر ءِ زُلم ءُ زوراکی ءُ کُشت ءُ کوش یک ردا برجاہ اِنت۔ پاکی وت گڑیں پولیس ءُ آمیدگس ءَ گوستگیں ھپتگ ءَ اے گپ ھم دیم ءَ آرتگ اَت کہ ماں بلوچستان ءَ بلوچ ورناھانی آوار جنی ءُ کُشت ءُ کوش ءَ پاکی رستریں لشکر ایف ۔سی ءِ دست ھوار اِنت۔بلے ادا ھرکس زانت ءُ سرپدیں کہ اے وتگڑیں ملک ءَ ناں قانون ءِ وڑیں چیزی اَست ءُ ناں اے قحبگانی ملک میان استمانی رھبندانی پاسداری ءَ کنت۔ چیاکہ اے ملک ءِ بنیاد دروگانی بنیاد ءَ جوڑ کنگ بیتگ ءُ ادا رھبند ءُ قانون ھم دروگ اَنت۔ بلے لھتے نادانیں نام گیپتیں رھشون تاں انگت نِشتگ ءُ ھمے گپ ءَ جن اَنت کہ ما اے وتگڑیں ملک ءِ رھبندانی تھا نندین ءُ حق ءِ گپ ءَ جنیں، اے پد نبودیں ھیالے۔