ماں بلوچستان ءَ در ملکی دست بس پاکی لشکر اِنت کہ دزمانجی کنگ اِنت۔ واجہ خیر بیار مری
Saturday, March 31, 2012
لندن: بلوچ رھشون واجہ خیربیار مری ءَ گُشتگ پاکی لشکر ءَ پہ زور بلوچستان ایر دست کُتگ ءُ بلوچ راج ءِ آجوئیں بستار ھتم کُتگ، ریپینگ ءِ ھاترا اسلام ءِ نام کارمرز بیئگ اِنت۔ پاکی لشکر ءَ 1948ءَ بلوچستان ایردست کُتگ ءُ دزمانجی بندات کُتگ۔ آجوئی ءَ ابئید دگہ ھچ رھبند ءِ سرا گپ ءُ تران بیت نہ کنت۔ پہ بلوچ ءَ بس یک رھبندی پشت کپتگ۔ پاکی لشکر ءِ ھلاپ ءَ آجوئی ءِ جھد ءَ ھوار بہ بنت۔ پاکی لشکر وتی قبضہ گیری ءِ برجم دارگ ءَ وڑ وڑیں بھتاماں چہ کمک زیرگ لوٹیت۔ عالمی مھلوک ءَ بلوچ ءِ راجدپتری بستار دیم ءَ کنگ ءُ بلوچ ءِ پلہ مرزی کنگ لوٹیت۔ آئی ءَ گُشتگ کہ برٹش ءَ بلوچستان ءِ آجوئیں بستار من اِتگ۔ بلے رند ءَ پاکی لشکر ءَ دزمانجی کُتگ ءُ بلوچستان ءِ آجوئیں بستار ھتم کُتگ۔ ماں بلوچستان ءَ درملکی دستانی دزمانجی ءِ بھتام سیاھیں دروگے، البت پاکی لشکر ءَ بلوچستان ءِ آجوئیں بستار ھتم کُتگ ءُ ماں بلوچستان ءِ آجوئیں بستار ءِ سرا ءَ دزمانجی کنگ اِنت۔ آئی ءَ گُشتگ گپ بیت گُڑا بس راجی آجوئی ءِ سرا گپ بیت۔ آئی ءَ گُشتگ ماں آیوکیں وھد ءَ ماڈرن بلوچستان ءَ ھچ وڑیں سرداری ءُ پاکی استان ءِ جوڑینتگیں رھبند نہ بیت۔ بس السی نظام (ڈیموکرسی) بیت۔
شمے ھمے بینر ھچ وڑا شر نہ انت ۔۔۔ شماءَ زانہ بلوچستان ءِ بیرک ھا نزانہ ھمے بینر کہ واجہ ھیربیار ءِ پشتاءَ ایں ھمیش مئے راجی بیرک ایں ءُاے بی پی پی ءِ بیرک داتگ؟ پداءَ پٹھانانی پشین ءُ زیارت ءَ گوں بلوچاں چی کار؟
ReplyDelete