دُژمن بلوچ راجی پجار ءُ نشاناں گار ءُ بیگواہ کنگ لوٹیت، دُژمنی چالانی دیمگیری ءِ ھاترا راجی تپاکی المی اِنت، اختر مینگل ءَ گوں خان آف کلات ءَ گِند ءُ نند کُتگ۔
Sunday, March 18, 2012
لندن: بی۔ این۔ پی صدر واجہ اختر مینگل ءَ ماں لندن ءَ گوں بلوچ رھشون خان آف کلات ءَ گِند ءُ نند کُتگ۔ دوئیں راجی رھشوناں بلوچستان ءِ اَستیں جاورھالانی سرا تران کنان ءَ گُشتگ کہ دُژمن بلوچ راج ءِ ھستی ءُ پجار ءِ گار ءُ بیگواہ کنگ ءِ توجیل ءَ کنگ اِنت۔ اگاں مرچی بلوچ راجدوستاں گوں تپاکی ءُ یک مُشتی ءَ دُژمن ءِ ساز اِتگیں پندلانی دیمگیری نہ کُت تہ دُژمن مارا یک یک ءَ کُشیت ءُ گار کنت۔ آھاں گُشتگ ماں امریکی کانگریس ءَ بلوچ وتواکی ءِ سرا منگ نامہ ءِ پیش بیئگ ءَ پد دُژمن بد تریں رنگے بلوچ مھلوک ءِ کُشت ءُ کوش ءَ کنگ اِنت۔ بلوچ ءِ بیگواھی ءِ توجیلاں گیشی آرگ بیتگ۔ بلوچ ءِ راجی پجار ھم خطرہ ءِ تھا اِنت۔ اگاں استیں جاوراں بلوچ راجدوست یک مُشت ءُ تپاک مہ بنت، راجی حقانی لوٹ ءُ استیں جاورانی دیمگیری وتی جاہ ءَ بلوچ وتی راجی شناخت ءُ پجار ءَ ھم رکینت نہ کنت۔ بلوچ رھشوناں گُشتگ بلوچ رھشونانی بنکی راہ بس ھمیش اِنت کہ آ گوں راجی تپاکی ءُ یک مُشتی ءَ دُژمن ءِ اے سازاِتگیں پندلانی دیمگیری ءَ بہ کن اَنت
Comments[ 0 ]
Post a Comment