مشکے دمگءَ ایف سی ئے سرا ریموٹ بم دماکہ بوتگ ۔ ڈیرہ بُگٹی ءَ ایف سی ئے گاڑی ءِ سرا اُرش بوتگ

مشکے ءُ ڈیرہ بُگٹی (بام ھال)ھالانی ردءَ مرچی سُہب ءِ نُہہ ءُ نیم ءَ مشکے دمگ جبری ءَ پاکستانی ایف سی ئے راؤکین کاروان ءِ سرا ریموٹ بمب دماکہ کنگ بوتگ ،چہ اے دماکہ ءَ ایف سی یک گاڑی ئے تباہ بوتگ باز ایف سی ئے مِرگ ءُ ٹپّی بؤگ ءِ امکان است اِنت ، چہ ناشُناسیں جاھے ءَ بی ایل ایف ءِ جار کش گُھرام بلوچ ءَ ( این این آئی ) ئے سرا فون کُتگ ءُ اے اُرش ءِ ذمہ واری زُرتگ ، گھرام بلوچ ءَ گُشتگ تنکہ بلوچستان ءِ آزادی ءَ مئے اُرش برجاہ ماں اَنت ۔۔۔۔۔۔۔۔۔ دومی نیمگءَ ڈیرہ بُگٹی ءِ دمگ چٹنال ءَ ھم ایف سی ءِ گاڑی ءِ سرا اُرش بوتگ ءُ اے اُرش ءِ دو پاکستانی ایف سی مُرتگ سک باز ٹپّی بوتگ اے اُرش ءِ ذمہ داری بی آر اے جارکش سربازبلوچ ءَ زُرتگ ،