سبی ءَ بے گُناھیں بلوچانی سرا ،پاکستانی فوجے تیر گواری ءَ دو بلوچ شھید بوتگ ءُ بازیں ئے ٹپّی

بام ھال ۔۔ سبّی ءِ دمگءَ پاکستانی فوجءَ بے گُناھیں بلوچانی سرا تیر گواری کُتگ،چہ اے ویلءَ دو بلوچ شھید بوتگ ءُ دگہ بازیں بلوچے ٹپّی بوتگ ، ھالانی ردا مرچی سُھبءَ سبّی ءُ بختیار آبادے نیامءَ مزنین دگ ءِ پُہل ءِ سرا وھدے بلوچ فرزندان یک جلوس ِ کُتگ ات ءُ دستبندی کُتگ ات کہ بلوچ زالبول بے گُناہ ءَ کُشگ بؤگ ءَ اَنت ،ھمے درگت ءَ پاکستانی ایف سی ءَ ھمے جلوس ءِ سرا تیر گواری کُت چہ تیر گواری ءَ دو بلوچ شھید کنگ بوتگ ءُ بازیں کسانیں زھگ ءُ زالبول ٹپّی بوتگ اَنت ،