بلوچستان جیڑہ ءِ بابت ءَ ماں امریکا ءَ السی چار ءُ تپاس۔ بی بی سی
Friday, February 03, 2012
واشنگٹن: بلوچستان ءِ جیڑہ ءَ ماں امریکا ءَ باز السی پلہ مرزی رستگ۔ کانگریس ءِ دری کارانی کمییٹی یے نیمگ ءَ بلوچستان ءِ بابت ءَ یک السی چار ءُ بچاری مرگاھے برجم دارگ بیتگ۔ ایشی یے تھا امریکی زانتکار، کواس ءُ انسانی گلانی کارندہ بلوچستان ءِ بابت ءَ وتی وتی ھیالان درشان کن اَنت۔ دری کارانی کیمیٹی ءِ ردا ھشت فروری ءَ واشنگٹن ڈی سی ءَ بلوچستان ءِ بابت ءَ اوورسائیٹ اینڈ انویسٹیگیشن ءِ سرھال ءَ یک السی مراگاھے برجم دارگ بیت کہ ایشی ءِ تھا بلوچستان ءِ جاورھالانی سرا زانتکار ءُ انسانی حقانی کارندہ وتی وتی گواھی آن پیش کن اَنت۔ بی بی سی ءِ ھالکار حسن مجتبٰیءِ ردا کانگریس ءِ دری کارانی کمیٹی ءِ دیم ءَ بلوچستان ءِ جاورھالانی بابت ءَ بیان دیوکاں واشنگٹن ڈی سی یے جارج ٹاؤن یونیورسٹی ءِ اسسٹنٹ فروفیسر سی کرسٹن فیئر، امریکی ندکار ءُ زانتکار رالف پیٹرس ءُ ھیومن رائٹس واچ ءِ ماں پاکستان ءَ ڈائرکٹر علی دایاں حسن ھوار اَنت۔ اے مراگاہ ءَ ھر کس ءُ ناکس ھم دعوت دیگ بیتگاں۔
Comments[ 0 ]
Post a Comment