ماں بلوچستان ءَ پاکی ایجنسیانی نیمگ ءَ بلوچ ورناھانی کُشت ءُ کوش ءِسرا امریکا ءِ دِلرنجی درشان کنگ عالمی مھلوک ءِ نیمگ ءَ باز جوانیں گامگیجی ،بلے انچو کہ ایشی ءِ مول ءُ مراد وتی نپانی ھاترا پاکستان ءِ سرا زور دیگ مہ بیت۔ڈاکٹر اللہ نظر بلوچ
Wednesday, January 18, 2012
بلوچ رھشون ڈاکٹر اللہ نظر بلوچ ءَ گُشتگ کہ ماں بلوچستان ءَ پاکی ایجنسیانی نیمگ ءَ بلوچ ورناھانی کُشت ءُ کوش ءِسرا امریکا ءِ دِلرنجی درشان کنگ عالمی مھلوک ءِ نیمگ ءَ باز جوانیں گامگیجی ،بلے انچو کہ ایشی ءِ مول ءُ مراد وتی نپانی ھاترا پاکستان ءِ سرا زور دیگ مہ بیت۔ ماں بلوچستان ءَ پاکی ءُ ایرانی زُلم ءُ زوراکیانی سرا یو۔ این۔ او ءُ عالمی مھلوک حاموش اَنت۔ آھانی اے مصلحت ءَ ھر سماداروکیں انسان پوہ اِنت کہ گپ چی انت۔ یازدہ نومبر ءَ پد ناشرکاری یے ھلاپ ءَ کپ جنگے بنا بیتگ تا پاکستان ءَ اے پژدر ءَ امریکا ءُ دگہ مُلکاں بازیں فوجی کمکی رستگ۔ بلے پاکستان ءَ ھمے کمک ءُ سلاہ بزگیں بلوچ مھلوک ءِ سرا کارمرز کُتگ اَنت ءُ دومی نیمگ ءَ پاکستان ءَ ماں افغانستان ءَ ءُ دگہ ھندان ناشرکار ءُ مذھبی بُنیاد پرست کمک کُتگ اَنت۔ آئی ءَ دُنیا ریپینتگ۔ اے درگت ءَ ما ءُ بلوچ آزادی دوستیں کساں بار بار گوں عالمی مھلوک ءَ گُشتگ ، بلے نو انچو پدر اِنت کہ امریکا بہ بیت یا عالمی مھلوک پاکستان ءِ اے دوتل ءُ دو پوستیاں سرپدیں۔ بلوچ مھلوک ءِ سرا پاکی فوج ءِ زُلم ءُ زوراکیانی سرا ، بلوچ ورناھانی آوار جنگ ءُ پدا آھانی جت ءُ چپتگیں لاشانی دؤر دیگ ءِ ھلاپ ءَ امریکا ءِ اے بیان باز دیر ءَ اَتکگ، بلے جوانیں گامگیجی ۔ امریکا ءَ عالمی مھلوک بائدیں دیم ءَ بیاینت بلوچ راجی جُنز ءِ اخلاقی ءُ سیاسی ءُ فوجی کمک ءَ بہ کن اَنت ، چائنا ءَ ھم ذمہ داریں توجیل سازی کنگی اِنت ءُ بلوچستان ءِ سرا قبضہ کُتگیں پاکستان ءِ کمک ءَ چہ وتی دست کشگی اِنت۔ پرچاکہ بس آزاد بلوچستان ءِ جوڑ بیئگ ءَ چہ اے ھنداں امن ءُ ایمنی کئیت ءُ آزاد بلوچستان اے ھند ءَ جمھوریت ءُ مذھبی رواداری یے ردوم دیگ ءُ ایمنی آرگ ءَ جوانیں کردے پیلہ کُت کنت۔ ما یک گپے ادا پدر کنگ لوٹیں کہ بس بیان بازی ماں بلوچستان ءَ بلوچ ورناھانی کُشت ءُ کوش، انسانی حقانی ھلاپ ورزی ءُ پاکی دھشت گردی ءَ داشت نہ کنت بلکن اے درگت ءَ یو۔این۔او ءُ عالمی مھلوک ءَ عملی گامگیج زیرگ کپیت۔ ڈاکٹر اللہ نظر ءَ گُشتگ ھمے وڑا ماں بوسنیا، سوڈان ءُ لیبیا ءَ انسانی حقانی ھلاپ ورزی کنوکانی سرا ماں عالمی فوج داری عدالت ءَ مقدمہ ھلائینگ بیتگ تا ھمے وڑا عالمی ذمہ داریں مھلوک ءِ اے فرض جوڑ بیت کہ آ ماں بلوچستان ءَ انسانی حقانی ھلاپ ورزی، بلوچ سیاسی کارندھانی آوار جنگ ءُ ماں بلوچستان ءَ ھزاراں بزگیں بلوچ مھلوک ءِ پہ بے دردی کُشت ءُ کوش ءِ سرا پاکی فوج ۔ آئی۔ایس۔ آئی یے سربراہ ءُ دگہ کارندھانی ھلاپ ءَ ماں عالمی عدالت ءَ مقدمہ درج کنگ بہ بیت ءُ اے درستانی ھلاپ ءَ بلوچ قوم ءِ نسل کشی ءَ ماں بلوچستان ءَ انسانی ھلاپ ورزی یے جُرم ءَ ماں انٹرنیشنل کریمنل کورٹ ءَ مقدمہ درج کنگ بہ بیت ءُ پاکستان ءِ سرا معاشی ءُ اقتصادی پابندی جنگ بہ بیت۔
بنگپ:
راجدوست
Comments[ 0 ]
Post a Comment