بلوچ ورناہ گُلزمین ءِ آجوئی ءِ ھاترا عملی جُھد ءَ ھوار بہ باں۔ جاوید مینگل
Tuesday, January 03, 2012
لندن: بلوچ قوم پرست رھشون جاوید مینگل ءَ گوشتگ وتگڑیں پاکستانی پارلیمانی نظام بلوچ جیڑہ ءِ گیش و گیوار ءِ ھاترا پد نبودیں گپے جوڑ بیتگ، پاکستانی پارلیمنٹ ءِ نندگ ءُ آئی ءَ دُنیا ءِ دومی مُلکانی جمھوری نظاماں کمپئر کنگ وتی جند ءِ او راج ءِ ریپینگ ءِ برابر اِنت۔چیاکہ اے وتگڑیں نظام ما نیپ ءِ وھد ءَ ایشی ءَ پد ھم چکاس اِتگ،، بلے ھچ نہ رستگ۔ نو بائد بلوچ اے نظام ءَ مکمل کنارہ کش بہ باں او ڈیھ ءِ آجوئی ءِ ھاترا عملی جُھد ءَ هوار بہ باں۔ پنجابی حاکم ءُ پاکی فوج ءَ گوں بلوچ ءَ ھچ وڑیں سیادی نیست،، اے بس مئے ڈیھ ءِ سرا وتی قبضہ گیری ءَ مُھکم کنگ ءُ مئے مال ءُ مڈیانی پُلگ ءُ برگ ءِ کار ءَ گُلائیش اَنت۔ بلوچ راج ءَ چُک چین کنگ ءَ اَنت، روچ رحمانی مئے ورناھاں چست کن اَنت ، آھانی لاشاں ماں ویرانیں دگاں دور دیگ ءَ اَنت، اے قبضہ گیر ءِ ظلم ءِ انتہائیں۔ اے پنجاب ءِ نظام ءَ ابئید ءِ معصومیں بلوچانی چست کنگ ءُ بدنامیں ٹارچر سیلانی تھا آھانی ٹارچر کنگ ءُ پدا آھانی لاشاں ماں ویراناں چگل دیگ ءَ مارا دگہ ھچ نہ داتگ۔ پنجاب قوم پروشانی ھواری ءَ سرکاری تنظیم جوڑ کنگ ءَ چے بلوچ راجی جُنز ءَ پروش دات نہ کنت، بلوچ ورناہ ڈیھ ءِ آزادی یے ھاترا منظمیں وڑی ءَ قُربانی دیگ ءَ اَنت۔ اے جُنز ءَ ریاست ءُ آئی یے کاسگ چٹ نفسیاتی نادُراہ جوڑ کُتگ اَنت۔ ماں بلوچستان ءَ بلوچانی نسل کُشی ءِ سرا عالمی انسانی حقانی گلانی خاموشی یک سوالیہ نشانے جوڑ بیتگ۔ آئی ءَ گوشتگ ما پاکستان ءِ پارلیمنٹ۔ عدلیہ ءُ میڈیا ءِ سرا ھچ وڑیں امیت نہ داریں، اے دُراہ پنجاب ءِ نپانی برجم دارگ ءِ ھاترا جوڑ بیتگ اَنت۔
Comments[ 0 ]
Post a Comment