جلیل ریکی یے شھادت ءَ من ءَ نوکیں مارشتے داتگ۔ قدیر بلوچ
Saturday, December 31, 2011
کوئٹہ: وائس فار بلوچ مسنگ فرسنز ءِ رھشون واجہ قدیر بلوچ ءَ ھال کنان ءَ گوشتگ کہ من ءَ پنجابی دروشمیں مردمانی نیمگ ءَ بیھار رستگ ءُ گوشگ بیتگ کہ تئی بچ ما کُشتگ تو انگت بس نہ کنئے۔ بلے من آھاں گوشگ لوٹاں کہ منی جُھد ایوک ءَ جلیل ریکی ءِ واستہ نہ بیتگ، ھما سرجمیں بلوچانی ھاترا من جُھد کناں کہ آ قبضہ گیر ریاست ءِ ٹارچر سیلانی تھا زُلم ءِ آماچاں۔ جلیل ریکی ءِ قربانی ءَ من ءَ نوکیں مارشتے داتگ۔ آئی ءِ سرا من ءَ فخریں۔بلوچ حق ءُ آجوئی ءِ ھاترا گیشتریں قُربانی دیگ ءَ ساڑی آں۔ من ءَ شھید کناں یا منی سیاد ءُ وارث ءُ براتاں ، پہ راجی حقانی ھاترا، پہ زمین ءِ ھاترا من چوشیں قُربانی دیگ ءَ تیاراں
Comments[ 0 ]
Post a Comment