بحرین: بمب تراک، تاوان ءِ ھال نیست
Monday, December 05, 2011
منامہ: بحرین ءِ بُنجاھی شھر منامہ ءَ یک زور داریں بمب تراکے بیتگ ، بحرین ءِ تھی کارانی کارگس ءِ جارکش صلاح سالم ءِ گوشگ ءِ ردا تراک برٹش ایمبیسی ءِ پیشگاہ ءَ بیتگ، بلے تراک ءَ چہ ھچ وڑیں مالی ءُ جانی تاوان ءِ ھال نیست، بحرین مزن ھور ءِ یکیں مُلکیں کہ ادا شیعہ مسلمانانی کساس گیشتریں ، گوستگیں روچاں انسانی حقانی گلانی نیمگ ءَ شنگ بیتگیں رپورٹے ءَ پد ادا زھرشانیاں ھم گیشی اتکگ، او دومی نیمگ ءَ سنی مسلماناں ھم اے پژگرد ءَ شیعہ زھرشانیانی دارگ ءِ ھاترا خلیفہ یے پلہ مرزی ءَ دیم ءَ اتکگاں، وزارت داخلہ ءِ گوشگ ءِ ردا بمب تراک برٹش ایمبیسی ءَ چہ پنجاہ قدم دوری ءَ بیتگ، او ھچ وڑیں تاوان نہ رستگ، دنیگہ اے گپ ءِ نشوندھی نہ رستگ کہ بمب تراک برٹش سفارت خانہ ءِ سرا پہ زانت کنگ بیتگ یا ناں، بلے اے گمان الم استیں، چیاکہ گوستگیں روچاں ماں ایران ءَ ھم برٹش سفارت ءِ سرا ارش بیتگ اَت ءُ چر ایشی یے پشگرد ءَ ماں برطانیہ ءَ ھم ایرانی سفارتی کارندھ کشگ بیتگ اِتاں، بحرین ءِ سرکار ءِ گوشگ ءِ ردا شیعہ زھرشانی کنوکانی سیادی گوں ایرانی سرکار ءَ اَستیں، بلے انسانی حقانی گل ءِ رپہرٹ ءَ ھچ چوشیں نشوندھی نہ رستگ، گوستگیں دہ ماھانی نیام ءَ بحرین سرکار ءُ شیعہ زھرشانی کنوکانی میان ءَ جنگ ءُ بجنگاں سی ءُ پنچ مردم بیران بیتگ ءُ باز ٹپی، او بازیں شیعہ رھشون زنداناں بنداں، بازیناں زند ءِ جیل دیگ بیتگ
Comments[ 0 ]
Post a Comment