مرچی دگہ چار لاش دور دیگ بوتگ

مرچی بلوچستان ءَ دگہ چار لاش دور دیگ بوتگ ک آیانی بجار بی این ایم ءِ فناس سیکٹری صمد تگرانی کہ چہ حب چوکی ءَ چست کنگ بوتگ ات ،گوں جاوید نصیر رند ءِ ھمراھی ءَپدا مرچی ، صمد تگرانی ءِ لاش چہ خضدار ءَ دپ کپتگ۔

دگہ دو لاش چہ کیچ ءَ دپ کپتگان آیانی پجار مند گیاب ءَ جہمنند گھرام خالد ، بی آر پی مند زون ءِ صدر اِنت ، کہ رمضان ءِ ماہءَ بیگواہ کنگ بوت اَنت ،چہ مند ءَ ھوٹل ءِ دیمءَ ، گھرام ءِ ھمراھی ءَ کسان سلیں خیام بلوچ ھم بیگواہ کنگ بوتگ ات۔

خیامءِ ءُ گھرام ءِ لاش مرچی چہ کیچءَ دست کپتگاں۔

چارمی لاش سنگت زبیر بلوچ اِنت کہ ماھے ءَ پیسر چہ پسّنی ءَ بیگواہ کنگ بوتگ اَت ، ءُ پسّنی ءِ جاہ منند اِنت ،،زی ھم بلوچ قومءَرا ھفت لاش رستگ اَت زی تنکہ مرچی یازدہ لاش اَنت۔