دنُیا ءَ بلوچ جہد ءِ بابت ءَ سرپد کنئگ ءَ ما سوب مند بوتگیں۔حیربیار مری

شال:بلوچ راجی رھشون نواب خیر بخش مری ءِ بچّ نوابزادہ حیر بیار مری ءَ گشتگ کہ پاکستان مئے سرا زُلم کنئگ ءَ اِنت ءُ مارا آزادی لوٹوکاں ھچ ھساب ءَ یلہ نہ کنت بلوچستان ءِ پاھازوکاں مئے واھگ گون اَنت ما بلوچ جہد ءِ بابت ءَ دنیا ءِ سرپد کنئگ ءَ سوب بند بوتگیں آئی ءَ اے ھبر شمبے ءِ روچ ءَ یک ٹی وی رسانکے ءَ چہ گُلگدارے ءَ گُشتگ اَنت آ ئی ءَ دیمترا گشتگ کہ پاکستان وتی لوٹاں چہ سوئی گیس ءُ گوادر ءُ ریکوڈک ءَ سرجم کنئگ ءَ اِنت مرچی امریکہ اے ھبر ءَ سرپد اِنت کہ بلوچ وات راجے میان اُستمانی ڈپلومیسی ءِ وڑ الگ اِنت ما آزادی لوٹوکیں بلوچاں نی یکجاہ کنئگ ءَ جہد کنئگ ءَ اِیں ہما وھدا داں ما وتی آزادی ءَ نہ گِریں مئے جہد ھما وہد ءَ داں برجاہ مانیت۔پیسرا ما دنیا ءِ سرپد کنئگ ءَ سوب مند نہ بوتگیں بلئے مرچی ما بلوچ جہد ءِ بابت ءَ دنیا ءِ سرپد کنئگ ءَ سوب مند بوتگیں حیربیار ءَ دیمترا گشتگ کہ وہدے من صوبائی وزیر بوتگاں آ یک چکاّست بوتگ بلئے انوں ما اے سپد بوتگیں کہ غلام ءِ واجہ ءِ میانجی ءَ ہچ وڑیں سیادی یے نیست اِنت غلام ،غلام اِنت ءُ واجہ ، واجہ اِنت،سرکار ءِ ہر وہد ءَ جہد ھمیش بوتگ کہ آ بلوچ پجّار ءَ ھلاس بکنت ما ھچ وڑا اشی ءَ برداشت کُت نہ کنیں۔آئی ءَ گشتگ کہ من بلوچستان چے دور نیاں بلکیں منی واھگ انوں ھم بلوچانی ھمرائی ءَ گون اَنت ما بلوچستان یک آزادیں ملکے گندگ لوٹیں انوں دنیا ءَ ھم بلوچ ءِ پجّار گندگ ءَ آھگ ءَ اِنت حاص امریکہ ءُ لندن مرچی سرپد بوتگنت کہ بلوچ وت یک راجے ءُ آئی وتی پجّارے ءُ سرزمینے است اِنت مرچی مئے سرا باز ززُلم ءُُ زوراکی بووھگ ءَ اِنت اے زُلم ءُ زوراکیانی ھلاس کنئگ ءِ ھاترا مارا درستیں بلوچاں یکجاہ بوھگ لوٹیت۔ ھیر بیار ءَ وتی گلگدارے تہا گڈسرا گشتگ کہ من اے ھبر ءَ منّاں کہ ما پیسرا دنیا ءَ بلوچ جہد ءِ بابت ءَ سرپد کنئگ ءَ سوب مند نہ بوتگیں بلئے مرچی ما درگت ءَ دنیا ءِ سرپدد کنئگ ءَ سوب مند بوتگیں۔