وزیرستان ءَ امریکی ڈرون اُرش ءَ چار کس مُرتگ۔

پشاور: جنوبی وزیرستان ءِ دمگ اعظم ورسک ءَ امریکی ڈرون بالی گُرابانی اُرش ءَ چار مُردم بیران ءُ شش ٹپی بیتگ اَنت۔۔ مُرتگیں مردمانی تھا طالبان کماڈر مُلا نزیر ءِ کستریں برات مُلا عمر وزیر ھم ھواریں۔ ھالانی ردا جنوبی وزیرستان ءِ تحصیل برمل ءِ دمگ اعظم ورسک ءَ امریکی ڈرون بالی گُراباں یک گاڑی ئے سرا دو میزائل جتگ ، ھندی مردمانی ردا امریکی ڈرون اُرش ءَ طالبان کمانڈر مُلا نزیر ءِ برات عمر وزیر گوں سئے ھمراہ ءَ بیران بیتگ۔ دومی نیمگ ءَ طالبان جارکش ءَ مُلا عمر وزیر ءِ مرگ ءِ ھال رد کُتگ۔

                   دلگوش:    ماں پاکستان ءِ سیمسری ھنداں امریکی انٹیلی جنس ایجنسی ”سی۔آئی۔اے ڈرون اُرشانی رھشونی ءَ کنگ اِنت۔۔پاکستان ءَ اُلسی تکاں چوشیں ڈرون اُرش باز ایر جنگ بیتگ اَنت،،بلے پاکی سرکار ایشانی دارگ ءَ بے سوب ایں۔۔پاکستان ءِ مکن کنگ ءَ ابئید ھم امریکی ڈرون اُرش برجاہ اَنت،،