این۔پی ءِ گُم ءَ مکالمہ ءَ ابئید مقابلہ کنگ لوٹیت۔ بی۔ایس۔ او (آزاد)


 بی۔ایس۔او (آزاد) ءِ جارکش ءَ گوشتگ این۔ پی ءِ گُما مقابلہ ءَ ابئید بلکیں مقابلہ کنگی اِنت۔۔اَنو این۔ پی ءَ کمو موہ دیگ بہ بیت تا گُڑا گوں وتی بدیں کرداں گیشتر دیم ءَ کیئت۔۔این۔پی ءِ رھشون یک اَنچیں حدے ءَ سر بیتگ انت کہ نو ایشانی شری دروگے۔۔این۔پی پاکستان نیشنل پارٹی ءِ یکیں لڑیں کہ ایشاں اے جُرم وت من اِتگ کہ پاکستان مئے مُلک اِنت۔۔ایشانی فکری رھبند میر غوث بخش ءِ فکری رھبند ءِ سرائیں کہ میر صاحب ءَ نوزدہ سد ءُ ھشتاد ءُ پنچ ءَ اے گپ وت جتگ کہ مارا پشتو، سندھی ءُ بلوچی پجار ھتم کنگی اِنت ،پاکستانی پجار ءِ درچ ءَ آیگی اِنت، این پی وت ءَ راج دوست پارٹی ئے گُشیت بلے چر آئی ءِ کرداں چہ ھمے پدر بیت کہ آ پاکستانی گروپے۔۔این ۔پی رھشون حاصل ءَ گوشتگ کہ اگاں بلوچستان آجو بہ بیت تا ما سردارانی غلام بئیں۔۔بلے بازیں سردار ءُ میان استمانی شپک امام بیل وت آھانی باسک انت۔آئی ءَ گوشتگ این۔پی ءَ جاک ءُ کوکاریں کہ ما بلوچستان ءِ وسائلاں نہ دئیں،،بلے دومی نیمگ ءَ حاصل ماں نال ءَ وت وسائلانی سودا ءَ کنگ ایں۔این۔پی ءِ رھشون ماں مکران ءَ شپکاں گوں ھوار کپتگ انت۔۔ایشی ءَ چہ مستریں غداری کُجام اِنت۔۔آزادی دوستیں سردار نواب مری اِنت کہ غلامی ءُ بے پرکیں سرداری ءِ ھلاپ ءَ بلوچ ءِ رھشونی ءَ کنگ اِنت۔ آئی ءَ گوشتگ کہ ھمے این۔پی رھشوناں شھید غلام محمد ءُ ڈاکٹر اللہ نظر ءِ ھلاپ ءَ بدیں زبان کارمرز کُتگ،ڈاکٹر اللہ نظر ءَ کُشگ ءِ بیھار مالک ءِ گُشگ ءِ پدا دیگ بیتگ۔۔

دلگوش:        بی۔ایس۔او ءِ جارکش ءِ ردا میرغوث بخش بیزنجو ءَ وتی کتاب ءِ تھا اے گپ جتگ کہ پشتو،سندھی،ءُ بلوچاں  وتی پجار وئیل کنگی انت ءُ پاکستانی قومیت ءِ پجار ءِ لڑا وت ءَ کمایگی اِنت۔ بلے اے گپ دنیگہ منی دیم ءَ نہ گوستگ ، راستی ایش اِنت کہ  میر غوث بخش ءِ اے کتاب منی دیم ءَ نہ گوستگ ۔۔اگاں آئی ءَ اے گپ وتی کتاب ءِ تھا جتگ، گُڑا بائدیں اے حوالہ راج ءِ دیم ءَ  آرگ بہ بیت۔۔داغستان ءِ نامئیں کواس رسول حمزہ توف گُشیت آ کسے کہ وتی راجی پجار ءِ وئیل کنگ ءَ ساڑی بہ بیت تا گُڑا آ مردم ھمے راج ءِ مردمے ھم گوشگ نہ بیت، راجی رھشون ءِ گُشگ وتی جاہ ءَ۔۔۔۔