دُژمن وتی زُلم ءُ زوراکی ءِ آھری حداں سر بیتگ۔ بانک مھر جان بلوچ

بلوچ خواتین پینل ءِبنجاھی رھشون بانک مھر جان بلوچ ءَ بلوچ وطن مومنٹ ءِ سیکریٹری جنرل واجہ غلام اللہ ءُ واحد بلوچ ءِ آوار جنگ ءُ  پدا آھانی جتگ ءُ چُپتگیں میتاں ماں دگانی سرا دزکپگ ءِ ھلاپ ءَ ایراد گران ءَ گوشتگ  کہ نو دُژمن وتی  زُلم ءُ زوراکی ءِ آھری حداں سر بیتگ۔ بلے چوشیں زُلم ءُ زوراں دُژمن  بلوچ راجی آجوئی ءِ  فکر ءُ مارشتاں  ھتم کُت  نہ کنت۔اے جھد راجی آجوئی ءَ تاں جاری مانیت۔۔آئی شھید غلام اللہ ءُ آ دگہ شھیدان ءَ سلام دیان ءَ گوشتگ کہ اے راجی شھیداں بلوچ راجی آجوئی ءِ جُھد ءِ راجدپرءَ یک  نوکیں دروشمے  داتگ۔۔آئی ءَ گوشتگ شھیدانی قُربانیاں دژمن باز دلتپرکہ ءُ پریشان کُتگ۔پمیشا آ نو  وتی شکست ءِ چیر  دیگ ءَ پہ رستری بلوچ ورناھانی قتل عام ءَ کنگ انت۔۔آئی ءَ گوشتگ دُژمن بلوچ سرمچارانی دست ءَ راجدپتر ءِ مستریں پروش ءِ آماچیں۔ آئی ءَ چدو پیش اے  گُمان ھم  نہ کُتگ۔۔آئی گوشتگ چہ راجی  شھیدانی  رتکگیں  ھوناں آجوئی ءِ درچک  الم  پُل ءُ ناڑ  جنت۔۔