امریکا ءَ ایرانی بالی کمپنی ءِ سرا پابندی جتگ۔

واشنگٹن: امریکا ءَ سعودی عرب ءِ سفیر ءِ کوش ءِ توجیل سازوکیں دو کس منصور اربابسیار ءُ غلام شکوری ءِ ایرانی سرکار ءِ کمک کنگ ءِ پژدر ءَ ایرانی بالی  کمپنی ”ماھان ائر لائن” ءِ سرا پابندی جتگ۔۔امریکی وزارت ھزانگ ءِ انڈر سیکرٹری ڈیوڈ کوھن ءَ پابندی ءِ جار جنان ءَ گوشتگ کہ ایرانی ماھان ائر لائن  ایرانی  فوجی ٹولی القدس ءِ کارندھانی مدت ءُ کمک ءَ ھوار انت۔۔اے کمپنی ءَ ماں امریکا ءَ سعودی سفارت کارانی کوش ءِ توجیل سازوکیں القدس ءِ کارندھانی بَر ءُ آر ءَ مدت ءُ کمک کُتگ۔اے کمپنی ھمے ٹولیانی واستہ سلاھانی سر کنگ ءُ القدس ءُ حزب اللہ ءِ بالی کمک کنگ ءَ ھوں ھواریں۔۔پابندی ءِ ردا اے کمپنی ءِ سرجمیں میراث منجمد کنگ بنت ءُ امریکا ءِ ھچ دگہ کمپنی اے بالی کمپنی ءِ گُم ءَ سَٹ ءُ سودا جت  نہ کنت۔